നൂറ് ലിറ്റര്‍ വാഷും ചാരായവുമായി സിപിഐ പ്രാദേശിക നേതാവ് പിടിയില്‍; തൊഴുപറമ്പ് സ്വദേശി സിദ്ധാര്‍ത്ഥനാണ് പിടിയിലായത്. എക്സൈസിന് ലഭിച്ച രഹസ്യ വിവരത്തെ തുടര്‍ന്നായിരുന്നു അന്വേഷണം.

സ്വന്തം ലേഖിക

തൃശൂര്‍: എക്സൈസ് നടത്തിയ റെയ്ഡില്‍ നൂറ് ലിറ്റര്‍ വാഷും ഒന്നര ലിറ്റര്‍ ചാരായവുമായി ഗൃഹനാഥൻ പിടിയില്‍. ഞമനേങ്ങാട് തൊഴുപറമ്ബ് സ്വദേശി തോട്ടുപുറത്ത് സിദ്ധാര്‍ത്ഥൻ (65) ആണ് പിടിയിലായത്.  എക്സൈസിന് ലഭിച്ച രഹസ്യ വിവരത്തെ തുടര്‍ന്ന് നടത്തിയ പരിശോധനയിലാണ് ഇയാളുടെ വീടിന്റെ പിൻവശത്തെ ചായ്‌പ്പില്‍ നിന്നും വാഷും ചാരായവും കണ്ടെത്തിയത്.

എഐടിയുസി കെട്ടിട നിര്‍മ്മാണ തൊഴിലാളി യൂണിയൻ നേതാവാണ്. ചാവക്കാട് എക്സൈസ് ഇൻസ്പെക്ടര്‍ സിയു ഹരീഷിന്റെ നേതൃത്വത്തില്‍ പ്രിവന്റീവ് ഓഫീസര്‍ എ.ബി സുനില്‍കുമാര്‍,സിവില്‍ എക്സൈസ് ഓഫീസര്‍മാരായ സികെ റാഫി,എഎൻ ബിജു,അബ്ദുള്‍ റഫീക്ക്, സിജ എന്നിവരങ്ങിയ സംഘമാണ് പ്രതിയെ പിടികൂടിയത്