കോട്ടയം: അല്പം വ്യത്യസ്തമായി ഒരു ഇടിയപ്പം തയ്യാറാക്കിയാലോ? വളരെ എളുപ്പത്തില്‍ രുചികരമായി തന്നെ തയ്യാറാക്കാവുന്ന നോണ്‍വെജ്-ഇടിയപ്പം റെസിപ്പി നോക്കാം.
ആവശ്യമായ ചേരുവകള്‍
അരിപൊടി – ഒരു കപ്പ്‌
വെള്ളം – ഒന്നര കപ്പ്‌
ഉപ്പ് -പാകത്തിന്
എണ്ണ -ഒരു ടി-സ്പൂണ്‍
വെള്ളം വെട്ടിതിളക്കുമ്പോള്‍ പാകത്തിന് ഉപ്പും എണ്ണയും അരിപൊടിയും ചേർത്ത് ഇടിയപ്പത്തിന്റെ പാകത്തില്‍ കുഴച്ചു മാറ്റിവെക്കുക.
Whatsapp Group 1 | Whatsapp Group 2 |Telegram Group
സ്റ്റഫ് മസാലയ്ക്ക് ആവശ്യമായ ചേരുവകള്‍
ചെമ്മീൻ -250ഗ്രാം
ചെറിയുള്ളി -100ഗ്രാം
ഇഞ്ചി വെള്ളുത്തുള്ളി പേസ്റ്റ് -1ടേബിള്‍സ്പൂണ്‍
കറിവേപ്പില -ആവശ്യത്തിന്
ഉണക്ക മുളക് -3 എണ്ണം
മല്ലിപ്പൊടി -1ടേബിള്‍സ്പൂണ്‍
മുളക്പൊടി -1ടേബിള്‍സ്പൂണ്‍
മഞ്ഞള്‍പ്പൊടി -1/4 ടീസ്പൂണ്‍
ഗരംമസാല -1/2ടീസ്പൂണ്‍
കുരുമുളക് -1/2ടീസ്പൂണ്‍
ഉപ്പ് -പാകത്തിന്
എണ്ണ -പാകത്തിന്
തേങ്ങ (ഗോള്‍ഡൻ നിറത്തില്‍ വറുത്തത് )-1കപ്പ്‌
തയ്യാറാക്കുന്ന വിധം
ചെമ്മീൻനില്‍ 1/4 ടീസ്പൂണ്‍ വീതം മുളക്പൊടി മല്ലിപൊടി കുരുമുളക് പ്പൊടി ഒരു നുള്ള് ഉപ്പും മഞ്ഞള്‍പ്പൊടിയും ചേർത്ത് യോജിപ്പിച്ച്‌ ഫ്രൈ ചെയ്യുക.ശേഷം ഒരു ചൂടായ പാത്രത്തില്‍ എണ്ണ ഒഴിച്ച്‌ ചെറിയുള്ളി വഴറ്റുക ശേഷം ഇഞ്ചി വെളുത്തുള്ളി പേസ്റ്റും ചേർത്ത് വഴറ്റുക അതിലേക്ക് ബാക്കി പൊടികളും ചേർത്ത് പച്ച മണം മാറിയാല്‍ ചെമ്മീന്നിട്ട് വഴറ്റി ചെറു തീയില്‍ വേവിക്കുക. തീ ഓഫ്‌ ചെയ്ത ശേഷം തേങ്ങ വറുത്തതും കറിവേപ്പിലയും ഉണക്കമുളകും മൂപ്പിച്ചതും ചേർത്ത് യോജിപ്പിക്കുക.
ഒരു ആവിചെമ്പില്‍ ആവശ്യത്തിന് വെള്ളമൊഴിച്ച്‌ തട്ടില്‍ ഒരു പരന്ന സ്റ്റീല്‍ പ്ലേറ്റില്‍ എണ്ണ തടവി സേവ നാഴിയില്‍ അരിമാവ് ചേർത്ത് ഒരു ഇടിയപ്പം ആ പ്ലേറ്റില്‍ ചുറ്റുക അതിന് മേലെ ചെമ്മീൻ മസാല വച്ച്‌ മസാലയ്ക്ക് മുകളില്‍ മസാല പുറമെ കാണാത്ത രീതിയില്‍ ഇടിയപ്പം ചുറ്റുക പിന്നെ പാത്രം അടച്ച്‌ വെച്ച്‌ വേവിക്കുക.
