ഞാനോരു റബ്ബർ സ്റ്റാമ്പല്ല,ഭരണഘടനയും നിയമവും ആരും മറികടക്കരുത് ; സർക്കാരിനെതിരെ ആഞ്ഞടിച്ച് ഗവർണർ

സ്വന്തം ലേഖിക

തിരുവനന്തപുരം: പൗരത്വ നിയമ ഭേദഗതിക്കെതിരെ കോടതിയെ സമീപിച്ച സർക്കാർ നടപടി പ്രോട്ടോക്കോൾ ലംഘനമാണെന്ന് ഗവർണർ ആരിഫ് മുഹമ്മദ് ഖാൻ പറഞ്ഞു. ഈ കാര്യം ഗവർണറോട് ആലോചിക്കേണ്ട ബാധ്യത സർക്കാരിന് ഉണ്ടെന്നും അദ്ദേഹം കുറ്റപ്പെടുത്തി.

ഞനൊരു റബ്ബർ സ്റ്റാമ്പല്ലെന്നായിരുന്നു ഇക്കാര്യത്തിൽ ഗവർണറുടെ പ്രതികരണം. സംസ്ഥാന സർക്കാർ സുപ്രീംകോടതിൽ പോകുന്നതിൽ എതിരല്ല, ഭരണഘടന പ്രകാരം അവർക്ക് അതിന് അവകാശമുണ്ട്. പക്ഷെ ആ വിവരം ഗവർണറെ അറിയിച്ചില്ല. സർക്കാർ നടപടി അറിഞ്ഞത് മാധ്യമങ്ങളിലൂടെയാണെന്നും ഗവർണർ പറഞ്ഞു.

വാർഡ് വിഭജന ഓർഡിനൻസിനെ കുറിച്ച് ചില ചോദ്യങ്ങൾ ഉയർത്തുക മാത്രമാണ് ചെയ്തത്. തീരുമാനം എടുക്കുന്നതിന് മുമ്പ് തൃപ്തി തോന്നണം .നിയമസഭ ചേരാനിരിക്കുകയാണ്. ഭരണഘടനയും നിയമവും ആരും മറികടക്കരുതെന്നും ആരിഫ് മുഹമ്മദ് ഖാൻ പറഞ്ഞു.