നിയമസഭ കയ്യാങ്കളി കേസ്; തുടരന്വേഷണം ആവശ്യപ്പെട്ടുള്ള ഹര്‍ജിക്കെതിരെ കെപിസിസിയുടെ തടസ്സ ഹര്‍ജി

സ്വന്തം ലേഖിക

തിരുവനന്തപുരം: നിയമസഭാ കൈയങ്കളി കേസില്‍ തുടരന്വേഷണം ആവശ്യപ്പെട്ടുള്ള ഹര്‍ജിക്കെതിരെ തടസ്സ ഹര്‍ജി നല്‍കി കെപിസിസി.

ബിജിമോളും ഗീതാ ഗോപിയും നല്‍കിയ ഹര്‍ജി അനുവദിക്കരുതെന്ന് ആവശ്യം. ഹര്‍ജികള്‍ അടുത്ത മാസം 16 ലേക്ക് മാറ്റിയിരിക്കുകയാണ്.

കെപിസിസി ജനറല്‍ സെക്രട്ടറി ടി. യു. രാധാകൃഷ്ണനാണ് തടസ്സ ഹര്‍ജി നല്‍കിയത്.

സംഭവം നടന്ന ദിവസം ഭരണപക്ഷ എംഎല്‍എമാരുടെ ആക്രമണത്തില്‍ പരിക്കേറ്റിരുന്നുവെന്ന് മുൻ എംഎല്‍എമാര്‍ ആരോപിക്കുന്നുണ്ട്. എന്നാല്‍ മ്യൂസിയം പൊലീസില്‍ പരാതി നല്‍കിയിട്ടും അന്വേഷണമുണ്ടായില്ല.

ഈ കേസില്‍ മൊഴിയെടുക്കുകയോ സാക്ഷിയാക്കുകയോ ചെയ്തിട്ടില്ലെന്നും ഇരുവരും ഹര്‍ജിയില്‍ ആരോപിക്കുന്നു. ഹര്‍ജി ഈ മാസം 29 ന് പരിഗണിക്കുമെന്നായിരുന്നു അറിയിച്ചിരുന്നത്. എന്നാല്‍ ജൂണ്‍ 16 ലേക്ക് ഹര്‍ജി മാറ്റിയിരിക്കുകയാണ്.