വീട്ടുമുറ്റത്തു വിരിഞ്ഞ നിശാഗന്ധി പൂക്കൾ കൗതുകമായി; 12 നിശാഗന്ധി ഒരേ സമയം വിരിഞ്ഞത് കോട്ടയം നട്ടാശ്ശേരിയിൽ

സ്വന്തം ലേഖകൻ

കോട്ടയം: വർഷത്തിൽ ഒരിക്കൽ മാത്രം പൂക്കുന്ന നിശാഗാന്ധി പൂക്കൾ ഒന്നിച്ചു വിരിഞ്ഞത് കാഴ്ചക്കാരിൽ കൗതുകമുണർത്തി . കോട്ടയം നട്ടാശ്ശേരി അരുൺ നിവാസിൽ (കുറ്റാരപ്പള്ളിൽ) കെ കെ രാമചന്ദ്രൻ (മണി) & വസന്ത രാമചന്ദ്രൻ ദമ്പതികളുടെ വസതിയിലാണ് ഇന്ന് 12 നിശാഗന്ധി ഒരേ സമയം വിരിഞ്ഞത്.‌

എല്ലാവർഷവും പതിവായി ഇവിടെ അഞ്ചിൽ അധികം പൂവ് വിരിയുന്നതാണ്, എന്നാൽ ഇത്തവണയാണ് 12 എണ്ണം വിരിയുന്നതെന്നും വീട്ടുകാർ പറഞ്ഞു.

രാത്രിയിൽ പുഷ്പിച്ചു സുഗന്ധം പരത്തുകയും സൂര്യോദയത്തിനു മുമ്പേ വാടിപോകുന്നതും കൊണ്ടാണ് നിശാഗന്ധി എന്ന പേരിൽ അറിയപ്പെടുന്നത്.

വിത്തുകൾ ഇല്ലാത്ത ഈ സസ്യത്തിനു ഇലയിൽ നിന്നുമാണ് പുതിയ തൈകൾ മുളച്ചു വേര് പിടിക്കുന്നത്. പൂക്കൾ വിരിയുന്നതും ഇലയിൽ നിന്നുമാണ് എന്നുള്ളതും കൗതുകകരമാണ്.