മലപ്പുറത്ത് നിപ സമ്പര്‍ക്കപ്പട്ടികയിലുള്ള സ്ത്രീയുടെ മരണം; പരിശോധനാ ഫലം നെഗറ്റീവ്

മലപ്പുറം: മലപ്പുറത്ത് മരിച്ച നിപ സമ്പർക്ക പട്ടികയിലുള്ള 78 വയസുകാരിയുടെ പരിശോധനാഫലം നെഗറ്റീവ്.

നിപ സമ്പർക്കപ്പട്ടികയില്‍ ആകെ 498 പേരാണ് ഉള്ളത്, ഇതില്‍ 203 പേരും മലപ്പുറത്ത് നിന്നാണ്.

സെപ്റ്റംബർ വരെ നിപ കലണ്ടർ പ്രകാരമുള്ള പ്രതിരോധ പ്രവർത്തനങ്ങള്‍ ശക്തമാക്കാനും നിർദേശം.
പരപ്പനങ്ങാടി സ്വദേശിയായ സ്ത്രീയാണ് മരിച്ചത്.
സമ്പർക്കപ്പട്ടികയിലുള്ള വ്യക്തിയായതിനാല്‍ മരണപ്പെട്ട സ്ത്രീയുടെ സംസ്‌കാര നടപടികള്‍ ആരോഗ്യവകുപ്പ് തടഞ്ഞിരുന്നു. പരിശോധനാ ഫലം വന്നതിന് ശേഷം മാത്രമേ ചടങ്ങുകള്‍ നടത്താൻ അനുവദിക്കുകയുള്ളുവെന്ന് ആരോഗ്യവകുപ്പ് വ്യക്തമാക്കി.