ജീവനക്കാർക്ക് ലഭിക്കേണ്ട ആനുകൂല്യങ്ങൾ പൂർണ്ണമായും നൽകുക : രഞ്ജു കെ മാത്യു

സ്വന്തം ലേഖകൻ

പാമ്പാടി : ജീവനക്കാർക്ക് ലഭിക്കേണ്ട കുടിശികയായ ക്ഷാമബത്തയും ശബള പരിഷ്ക്കരണം വൈകുന്ന സാഹചര്യത്തിൽ ഇടക്കാലാശ്വാസവും ഉടൻ അനുവദിക്കണമെന്ന് കേരള എൻ.ജി. ഒ അസോസിയേഷൻ സംസ്ഥാന സെക്രട്ടറി രഞ്ജു കെ മാത്യു ആവശ്യപ്പെട്ടു.

കേരള എൻ ജി ഒ അസോസിയേഷൻ്റെ നേതൃത്വത്തിൽ ജീവനക്കാർ പാമ്പാടി സബ് ട്രഷറിയ്ക്ക് മുമ്പിൽ നടത്തിയ പ്രതിഷേധ കൂട്ടായ്മ ഉദ്ഘാടനം ചെയ്യുകയായിരുന്നു അദ്ദേഹം.

പ്രസിഡൻ്റ് എം.സി. ജോണിക്കുട്ടിയുടെ അധ്യക്ഷതയിൽ ചേർന്ന യോഗത്തിൽ ജില്ലാ വനിതാ ഫോറം കൺവീനർ സ്മിതാ രവി , സിജിൻ മാത്യു , ജയ്ൻ കേശവൻ , ബിജു എം കുര്യൻ എന്നിവർ പ്രസംഗിച്ചു.