പെൻഷൻ നിർണ്ണയ കാലാവധി വെട്ടിക്കുറയ്ക്കരുത് : രഞ്ജു കെ മാത്യു

സ്വന്തം ലേഖകൻ

പാമ്പാടി : സർക്കാർ ജീവനക്കാരുടെ പെൻഷൻ കണക്കാക്കുന്ന കാലാവധി വെട്ടിക്കുറച്ച കറുത്ത ഉത്തരവ് പുനപരിശോധിക്കണമെന്ന് കേരള എൻ ജി ഒ അസോസിയേഷൻ ജില്ലാ പ്രസിഡൻറ് രഞ്ജു കെ മാത്യു ആവശ്യപ്പെട്ടു.

16 % ക്ഷാമബത്ത , ലീവ് സറണ്ടർ , തടഞ്ഞുവച്ച ഒരു മാസ ശമ്പളം എന്നിവ നൽകുവാൻ സർക്കാർ തയ്യാറാവുന്നില്ല. ശബള പരിഷ്ക്കരണവും നീട്ടികൊണ്ടു പോകുകയാണ്. പാമ്പാടി ഗ്രാമ പഞ്ചായത്ത് ഓഫീസിന് മുമ്പിൽ നടന്ന പ്രതിഷേധ യോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

ബ്രാഞ്ച് വൈസ് പ്രസിഡൻ്റ് ഈപ്പൻ ഏബ്രഹാം അധ്യക്ഷത വഹിച്ചു. ജില്ലാ വനിതാ ഫോറം കൺവീനർ സ്മിതാ രവി , ബ്രാഞ്ച് സെക്രട്ടറി സിജിൻ മാത്യു , ട്രഷറർ ബിജു എം.കുര്യൻ എന്നിവർ പ്രസംഗിച്ചു.