സംഗീത് പ്രതാപ്, ഷറഫുദീൻ എന്നിവരെ പ്രധാനകഥാപാത്രമാക്കി നവാഗതനായ ശ്യാമിൻ ഗിരീഷ് സംവിധാനം ചെയ്യുന്ന “ഇറ്റ്സ് എ മെഡിക്കല് മിറാക്കിള്” കൊടുങ്ങല്ലൂരില് ചിത്രീകരണം ആരംഭിച്ചു. അഖില ഭാർഗവൻ ആണ് നായിക.
ബ്ലോക്ക്ബസ്റ്ററായ പ്രേമലുവിനുശേഷം സംഗീത് പ്രതാപും അഖില ഭാർഗവനും ഒരുമിക്കുകയാണ്. കോട്ടയം നസീർ, ആനന്ദ് മന്മഥൻ, കിരണ് പീതാംബരൻ, പാർവതി ആർ കൃഷ്ണ തുടങ്ങിയവരാണ് മറ്റ് താരങ്ങള്. കഥ, തിരക്കഥ, സംഭാഷണം നിലീൻ സാന്ദ്ര.സാമാർത്ഥ്യ ശാസ്ത്രം എന്ന ഹിറ്റ് വെബ് സീരിസിന് രചനയും സംവിധാനവും നിർവഹിച്ചത് നിലീൻ സാന്ദ്ര ആണ്.
ഡോക്ടർ പോള്സ് എന്റർടെയ്ൻ മെന്റ്, ഡ്രീം ബിഗ് ഫിലിംസ് എന്നീ ബാനറില് ഡോക്ടർ പോള് വർഗീസ്, സുജിത് ജെ നായർ എന്നിവർ ചേർന്നാണ് നിർമ്മാണം. ഛായാഗ്രഹണം – അഖില് സേവ്യർ, എഡിറ്റർ- ചമൻ ചാക്കോ, സംഗീതം- മുജീബ് മജീദ്, സൗണ്ട് ഡിസൈൻ- നിക്സണ് ജോർജ്, മേക്കപ്പ്- റോണക്സ് സേവ്യർ, വസ്ത്രാലങ്കാരം- ആരതി ഗോപാല്, പ്രൊഡക്ഷൻ കണ്ട്രോളർ – മനോജ് പൂങ്കുന്നം, കലാസംവിധാനം- അപ്പുണ്ണി സാജൻ, ചീഫ് അസോസിയേറ്റ് ഡയറക്ടർ- വിഷ്ണു ദേവ്, വിതരണം – ഡ്രീം ബിഗ് ഫിലിംസ്. പി. ആർ. ഒ എ. എസ് ദിനേശ്.
Whatsapp Group 1 | Whatsapp Group 2 |Telegram Group