കാറില്‍ നിന്നിറങ്ങവേ കാല്‍വഴുതി തോട്ടില്‍ വീണു; ഒഴുക്കില്‍പ്പെട്ട് നെടുങ്കണ്ടം സ്വദേശിനി മുങ്ങിമരിച്ചു

നെടുങ്കണ്ടം: രാത്രിയില്‍ കാറില്‍ നിന്നിറങ്ങിയ യുവതി കാല്‍വഴുതി തോട്ടില്‍ വീണു മരിച്ചു.

നെടുങ്കണ്ടം സ്വദേശി ആശയാണു (26) മരിച്ചത്. നെടുങ്കണ്ടം ചക്കക്കാനത്ത് ഇന്നലെ രാത്രി ഒൻപതോടെയാണു സംഭവം.

തോട്ടിലേക്കു വീണ ആശ ഒഴുക്കില്‍പ്പെടുകയായിരുന്നുവെന്നാണു പ്രാഥമിക നിഗമനം.

പൊലീസും അഗ്നിരക്ഷാസേനയും നടത്തിയ തിരച്ചിലിനൊടുവിലാണു മൃതദേഹം കണ്ടെടുത്തത്.