നവകേരള ബസിന് നേരെ ഷൂ എറിഞ്ഞ സംഭവം; കെഎസ് യു പ്രവര്‍ത്തകര്‍ക്കെതിരെ നരഹത്യ കുറ്റമടക്കം ചുമത്തി എഫ്‌ഐആര്‍

കൊച്ചി: പെരുമ്പാവൂരില്‍ നവകേരള ബസിന് നേരെ ഷൂ എറിഞ്ഞ് പ്രതിഷേധിച്ച സംഭവത്തില്‍ കെ.എസ്.യു പ്രവര്‍ത്തകര്‍ക്കെതിരെ കേസ്.

നരഹത്യ കുറ്റമടക്കം ചുമത്തിയാണ് എഫ്‌ഐആര്‍. കുറുപ്പുംപടി പൊലീസാണ് എഫ്‌ഐആര്‍ രജിസ്റ്റര്‍ ചെയ്തത്.

കരിങ്കൊടിക്ക് പകരം കറുത്ത ഷൂ എറിഞ്ഞാണ് പ്രതിഷേധിച്ചത്. പോലീസ് ഇവരെ അറസ്റ്റ് ചെയ്ത് നീക്കിയിരുന്നു.

മനപൂര്‍വമായ നരഹത്യാക്കുറ്റമടക്കം ഐപിസി 283, 353, 34 വകുപ്പുകള്‍ കെഎസ് യു പ്രവര്‍ത്തകര്‍ക്കെതിരെ ചുമത്തി. മുഖ്യമന്ത്രിക്കും മന്ത്രിമാര്‍ക്കും മരണം വരെ സംഭവിക്കാവുന്ന കുറ്റമാണ് ചെയ്തതെന്ന് എഫ്‌ഐആറില്‍ പറയുന്നു.