തിരുവനന്തപുരം: സംസ്ഥാന സര്ക്കാരിന്റെ സിറ്റിസണ്സ് റെസ്പോണ്സ് പ്രോഗ്രാം എന്ന പേരിലുളള സര്വേയ്ക്ക് ഇന്ന് തുടക്കം. രണ്ടുമാസം നീണ്ടുനില്ക്കുന്ന സര്വേയുടെ ഭാഗമായി സന്നദ്ധ പ്രവര്ത്തകര് വീടുകളിലെത്തും.
കേരളത്തിന്റെ ഭാവി വികസനത്തിനുളള നിര്ദ്ദേശങ്ങള്, നടപ്പാക്കേണ്ട പുതിയ ക്ഷേമപദ്ധതികള് എന്നിവയെ കുറിച്ച് ജനങ്ങളില് നിന്ന് വിവരശേഖരണം നടത്തുകയാണ് ലക്ഷ്യം. ഒപ്പം സര്ക്കാര് നേട്ടങ്ങള് വിശദീകരിക്കുന്ന ലഘുലേഖകളും വിതരണം ചെയ്യും.
നിയമസഭാ തിരഞ്ഞെടുപ്പ് ലക്ഷ്യം വച്ചുകൊണ്ടുള്ളതാണ് സിറ്റിസണ്സ് റെസ്പോണ്സ് പ്രോഗ്രാം. ഒരു വാര്ഡില് രണ്ട് സന്നദ്ധപ്രവര്ത്തകര് എന്ന നിലയില് 85000 സന്നദ്ധ പ്രവര്ത്തകരെയാണ് കേരളമാകെ ഈ സര്വേക്കായി നിയോഗിച്ചിരിക്കുന്നത്.
Whatsapp Group 1 | Whatsapp Group 2 |Telegram Group
നാല് ചോദ്യങ്ങളാണ് ജനങ്ങളോട് സര്വേയുമായി ബന്ധപ്പെട്ട് ചോദിക്കുക. കേരളത്തിന്റെ ഭാവി വികസനത്തിനുള്ള നിര്ദേശങ്ങള്, നടപ്പാക്കി വരുന്ന വികസന പദ്ധതികളിലുണ്ടാകേണ്ട മാറ്റങ്ങള്, നടപ്പാക്കേണ്ട ക്ഷേമപദ്ധതികള്, നിലവിലെ ക്ഷേമ പദ്ധതികളിലുണ്ടാകേണ്ട മാറ്റങ്ങള് എന്നിങ്ങനെയുള്ള ചോദ്യങ്ങള്ക്കാണ് ഉത്തരം നല്കേണ്ടത്.
