അകാല നര കാരണം ഇനി നിങ്ങള്‍ വിഷമിക്കേണ്ട…; മിനിട്ടുകള്‍ക്കുള്ളില്‍ ഫലം തരുന്ന ഒരു ഹെയർ ഡൈ പരിചയപ്പെടാം ; സവാളയുടെയും വെളുത്തുള്ളിയുടെയും തൊലി മാത്രം മതി ; നര മാറാൻ മാത്രമല്ല, മുടി വളരാനും ഉത്തമം ; തയ്യാറാക്കുന്ന വിധം അറിയാം
സ്‌ത്രീ പുരുഷ വ്യത്യാസമില്ലാതെ ഇന്ന് ഭൂരിഭാഗംപേരെയും അലട്ടുന്ന പ്രശ്‌നമാണ് അകാല നര. കെമിക്കലുകള്‍ നിറഞ്ഞ ഡൈ ഉപയോഗിക്കുന്നത് ദോഷം ചെയ്യുമെന്ന് അറിയാമായിരുന്നിട്ടും പലരും അവ ഉപയോഗിക്കുന്നു.
ഇതിനുള്ള പ്രധാന കാരണം സമയക്കുറവാണ്. എന്നാല്‍, ഇനി നിങ്ങള്‍ വിഷമിക്കേണ്ട. വളരെ ചുരുങ്ങിയ സമയത്തിനുള്ളില്‍ ഉണ്ടാക്കാൻ കഴിയുന്നതും മിനിട്ടുകള്‍ക്കുള്ളില്‍ ഫലം തരുന്നതുമായ ഒരു ഹെയർ ഡൈ പരിചയപ്പെടാം. നര മാറാൻ മാത്രമല്ല, മുടി വളരാനും ഇത് ഉത്തമമാണ്. ഈ ഡൈയ്‌ക്ക് ആവശ്യമായ സാധനങ്ങള്‍ എന്തൊക്കെയാണെന്നും തയ്യാറാക്കുന്ന വിധവും നോക്കാം.
ആവശ്യമായ സാധനങ്ങള്‍
Whatsapp Group 1 | Whatsapp Group 2 |Telegram Group
സവാളയുടെ തൊലി – ഒരു കപ്പ്
വെളുത്തുള്ളി തൊലി – ഒരു കപ്പ്
നെല്ലിക്കപ്പൊടി – 1 ടേബിള്‍സ്‌പൂണ്‍
മൈലാഞ്ചിപ്പൊടി – 1 ടേബിള്‍സ്‌പൂണ്‍
വെളിച്ചെണ്ണ – ആവശ്യത്തിന്
തയ്യാറാക്കുന്ന വിധം
ഒരു ഇരുമ്ബ് ചീനച്ചട്ടിയില്‍ സവാളയുടെ തൊലിയും വെളുത്തുള്ളിയുടെ തൊലിയും ചൂടാക്കി കരിച്ച്‌ പൊടിച്ച്‌ അരിച്ചെടുക്കുക. ഇതിലേക്ക് മൈലാഞ്ചിപ്പൊടിയും നെല്ലിക്കപ്പൊടിയും ചേർത്ത് നന്നായി യോജിപ്പിക്കണം. ശേഷം വെളിച്ചെണ്ണ ഒഴിച്ച്‌ ഡൈ രൂപത്തിലാക്കി തലയില്‍ പുരട്ടാവുന്നതാണ്.
ഉപയോഗിക്കേണ്ട വിധം
എണ്ണമയം ഒട്ടുമില്ലാത്ത മുടിയിലേക്ക് ഈ ഡൈ പുരട്ടിക്കൊടുക്കുക. ഒന്നോ രണ്ടോ മണിക്കൂർ വച്ചശേഷം കഴുകി കളയാവുന്നതാണ്. ഷാംപൂ ഉപയോഗിക്കാൻ പാടില്ല. ആദ്യ ഉപയോഗത്തില്‍ തന്നെ വലിയ മാറ്റം കാണാൻ സാധിക്കുന്നതാണ്.
