നാഷണൽ എക്സ്- സർവ്വീസ് മെൻ കോ- ഓർഡിനേഷൻ കോട്ടയം ടൗൺ യൂണിറ്റിൻ്റെ ഒന്നാം വാർഷികവും, ഫാമിലി അസോസിയേഷൻ ഉദ്ഘാടനവും നടന്നു; മന്ത്രി വി.എൻ. വാസവൻ ഉദ്ഘാടനം നിർവഹിച്ചു

കോട്ടയം: കര, നാവിക, വ്യോമസേനകളിൽ നിന്നും വിരമിച്ച ജവാന്മാരുടെ സംഘടന ആയ നാഷ്‌ണൽ എക്സ‌് സർവ്വീ‌സ്മെൻ കോ- ഓർഡിനേഷൻ കമ്മറ്റി കോട്ടയം ടൗൺ യൂണിറ്റിൻ്റെ ഒന്നാം വാർഷികവും യൂണിറ്റിൻ്റെ എക്‌സ് സർവ്വീസ്മെൻ ഫാമിലി അസ്സോസിയേഷൻ സംഘടനയുടേയും ഉദ്ഘാടനവും, കുടുംബസംഗമവും നടന്നു.

മന്ത്രി വി.എൻ. വാസവൻ ഉദ്ഘാടനം നിർവഹിച്ചു. പ്രസിഡൻ്റ് വിനോ മാത്യു അധ്യക്ഷത വഹിച്ചു.

വിവിധ രാഷ്ട്രീയ-സാംസ്കാരിക, സാമൂഹിക നേതാക്കളുടെ സാന്നിദ്ധ്യത്തിൽ കാർഗിൽ യുദ്ധത്തിൽ പങ്കെടുത്ത വീരയോദ്ധാക്കളെയും മുതിർന്ന വ്യക്തികളേയും ആദരിച്ചു. കൂടാതെ കലാ-കായിക മത്സര വിജയികൾക്ക് സമ്മാനം നൽകി.

റീത്താമ്മ, ബി. ഗോപകുമാർ, തിരുവഞ്ചൂർ രാധാക്യഷ്ണൻ, കെ.ബി. ഹരിക്കുട്ടൻ, വിനോ മാത്യു, എസ്. ജയകൃഷ്ണൻ, ജയകുമാർ തിരുനക്കര , പി.ജെ. മാത്യു എന്നിവർ പങ്കെടുത്തു.