നരേന്ദ്രമോദിയ്ക്ക് നേരെ തീവ്രവാദ ഭീഷണി ; എസ്പിജിയ്ക്കും ഡൽഹി പൊലീസിനും ജാഗ്രതാ നിർദ്ദേശം

സ്വന്തം ലേഖകൻ

ഡൽഹി : പ്രധാനമന്ത്രി നരേന്ദ്രമോദിയ്ക്ക് നേരെ തീവ്രവാദ ഭീഷണി. ഞായറാഴ്ച ദില്ലി രാം ലീല മൈതാനിയിൽ നടത്താൻ നിശ്ചയിച്ച ബിജെപിയുടെ തെരഞ്ഞെടുപ്പ് പരിപാടിക്ക് നേരെയാണ് തീവ്രവാദഭീഷണിയെന്നാണ് രഹസ്യാന്വേഷണ വിഭാഗം റിപ്പോർട്ട്.

ഇതോടെ പ്രധാനമന്ത്രിയുടെ സുരക്ഷാ ചുമതല വഹിക്കുന്ന എസ്പിജിക്കും ദില്ലി പൊലീസിനും ജാഗ്രത നിർദേശം നൽകിയിട്ടുണ്ട്.

തീവ്രവാദ സംഘടനയായ ജെയ്‌ഷേ മുഹമ്മദ് പ്രധാനമന്ത്രിയെ ലക്ഷ്യം വയ്ക്കുന്നുവെന്നാണ് രഹസ്യാന്വേഷണ ഏജൻസികൾ നൽകിയിരിക്കുന്ന മുന്നറിയിപ്പിൽ പറയുന്നത്. ഡൽഹി തെരഞ്ഞെടുപ്പിന് മുന്നോടിയായുള്ള റാലിയാണ് നാളെ നടക്കാനിരിക്കുന്നത്‌.

തേർഡ് ഐ ന്യൂസ് വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
https://chat.whatsapp.com/FIEqmXdNSZIF8KeY5AYGv1