കോട്ടയം മാവേലിപ്പടി-കരണ്ടേലിപ്പടി റോഡിൽ നഗര ജനകീയ ആരോഗ്യകേന്ദ്രം പ്രവർത്തനം ആരംഭിക്കുന്നു; നഗരസഭ ചെയർപേഴ്സൺ സെപ്റ്റംർ 23ന് ഹോസ്പിറ്റൽ ഉദ്ഘാടനം ചെയ്യും; ഈ സ്ഥാപനത്തിൽ നിന്നും ലഭിക്കുന്ന സേവനങ്ങൾ പൂർണമായും സൗജന്യമായിരിക്കും; സ്ട്രിപ്പുകൾ, കാർഡുകൾ എന്നിവ ഉപയോഗിച്ചുള്ള 14 ഇനം ലാബ് ടെസ്റ്റുകൾക്ക് ഉള്ള സൗകര്യവും ലഭ്യമാണ്
നമ്മുടെ വാർഡിൽ മാവേലിപ്പടി – കരണ്ടേലിപ്പടി റോഡിൽ ( Old -മാധവ് ഹോസ്റ്റൽ) നഗര ജനകീയ ആരോഗ്യകേന്ദ്രം പ്രവർത്തനം ആരംഭിക്കുന്നു. സെപ്റ്റംർ 23ന് രാവിലെ 10 മണിക്ക് നഗരസഭ ചെയർപേഴ്സൺ ഹോസ്പിറ്റൽ ഉദ്ഘാടനം ചെയ്യും.
ഉദ്ഘാടന വേളയിൽ അങ്ങയുടെ മഹനീയ സാന്നിധ്യം ഉണ്ടാകണമെന്ന് വിനീതമായി അഭ്യർത്ഥിക്കുന്നു. കേരളത്തിൽ വർധിച്ചുവരുന്ന നഗരവൽകരണം ആരോഗ്യമേഖലയിൽ ഉയർത്തുന്ന വെല്ലുവിളികൾ പരിഹരിക്കപ്പെടുന്നതിലൂടെ നഗര പ്രദേശങ്ങളിലെ ആരോഗ്യ സംരക്ഷണം ലക്ഷ്യമിട്ടുകൊണ്ടാണ് നഗര ജനകീയ ആരോഗ്യ കേന്ദ്രങ്ങൾ പ്രവർത്തനം ആരംഭിക്കുന്നത്.
ഈ സ്ഥാപനത്തിൽ നിന്നും ലഭിക്കുന്ന സേവനങ്ങൾ പൂർണമായും സൗജന്യമായിരിക്കും. സ്ട്രിപ്പുകൾ, കാർഡുകൾ എന്നിവ ഉപയോഗിച്ചുള്ള 14 ഇനം ലാബ് ടെസ്റ്റുകൾക്ക് ഉള്ള സൗകര്യവും ഉണ്ടായിരിക്കും.
Whatsapp Group 1 | Whatsapp Group 2 |Telegram Group
ഡോക്ടർ -1, സ്റ്റാഫ് നേഴ്സ് -2, ഫാർമസിസ്റ് -1, സപ്പോർട്ടീവ് സ്റ്റാഫ് -1, ജൂനിയർ ഹെൽത്ത് ഇൻസ്‌പെക്ടർ -1 തുടങ്ങിയ 6 പേർ അടങ്ങുന്ന ടീം ഹോസ്പിറ്റലിൽ ഉണ്ടാകും.
മൈനർ ഡ്രസിങ് , ഒബ്സെർവഷൻ സൗകര്യം, റഫറൽ സംവിധാനങ്ങൾ, ആരോഗ്യ ബോധവൽക്കരണ ക്ലാസുകൾ, കുട്ടികൾക്കുള്ള ഇമ്മ്യൂണൈസേഷൻ തുടങ്ങിയ സേവനങ്ങൾ ലഭിക്കുന്നതാണ്.
