കോട്ടയം: നല്ല നാടൻ ബീഫ് ഉണ്ടാക്കിയാലോ? അതും നല്ല ബീഫ് കാന്താരി പെരട്ട്. ഇത് എങ്ങനെ തയ്യാറാക്കാമെന്ന് നോക്കാം.
ആവശ്യമായ ചേരുവകള്‍
1. വെളിച്ചെണ്ണ – അഞ്ച് ചെറിയ സ്പൂണ്‍
2. കടുക് – അര ചെറിയ സ്പൂണ്‍
3. ഇഞ്ചി അരിഞ്ഞത് – നാല് ചെറിയ സ്പൂണ്‍
വെളുത്തുള്ളി അരിഞ്ഞത് – നാല് ചെറിയ സ്പൂണ്‍
ചുവന്നുള്ളി – 100 ഗ്രാം, അരിഞ്ഞത്
പച്ചമുളക് – ഒന്ന്, അരിഞ്ഞത്
കറിവേപ്പില – ഒരു തണ്ട്
4. മല്ലിപ്പൊടി – രണ്ടു വലിയ സ്പൂണ്‍
മഞ്ഞള്‍പ്പൊടി – അര വലിയ സ്പൂണ്‍
പെരുംജീരകംപൊടി – ഒരു ചെറിയ സ്പൂണ്‍
5.തക്കാളി – ഒന്ന് അരിഞ്ഞത്
6. ബീഫ് വൃത്തിയാക്കി ചതുരക്കഷണങ്ങളാക്കിയത് – 150 ഗ്രാം
7. കാന്താരി മുളക് – ആറ് എണ്ണം
പച്ചമുളക് – രണ്ട് എണ്ണം
ഇഞ്ചി അരിഞ്ഞത് – അര വലിയ സ്പൂണ്‍
വെളുത്തുള്ളി അരിഞ്ഞത് – അര വലിയ സ്പൂണ്‍
കറിവേപ്പില – രണ്ട് തണ്ട്
ഏലയ്ക്ക – അഞ്ച് എണ്ണം
കറുവാപ്പട്ട – ഒരു കഷണം
കുരുമുളക് – അര വലിയ സ്പൂണ്‍
ഉപ്പ് – ആവശ്യത്തിന്
8. തേങ്ങാപ്പാല്‍ – രണ്ട് വലിയ സ്പൂണ്‍
തയ്യാറാക്കുന്ന വിധം
Whatsapp Group 1 | Whatsapp Group 2 |Telegram Group
വെളിച്ചെണ്ണ ചൂടാക്കി കടുകു പൊട്ടിച്ച ശേഷം മൂന്നാമത്തെ ചേരുവ ചേർത്തു നന്നായി വഴറ്റുക. ചുവന്നുള്ളി ബ്രൗണ്‍ നിറമാകുമ്പോള്‍ ചെറുതീയിലാക്കി നാലാമത്തെ ചേരുവ ചേർത്തു മൂപ്പിക്കുക. മസാല മൂത്ത മണം വരുമ്പോള്‍ തക്കാളി ചേർത്തു വഴറ്റണം. ശേഷം ഇതിലേക്ക് ഇറച്ചിക്കഷണങ്ങളും ചേർത്തിളക്കി ചെറുതീയില്‍ വേവിക്കുക. ആവി വരുമ്പോള്‍ ഏഴാമത്തെ ചേരുവ മയത്തില്‍ അരച്ചതും ചേർത്ത് ഇറച്ചി നന്നായി വേവിക്കുക. വെന്തു വരണ്ടു വരുമ്പോള്‍ വാങ്ങി ചൂടോടെ വിളമ്ബാം.
