തിരുവനന്തപുരം: എൻ പ്രശാന്ത് ഐഎഎസിന്റെ സസ്പെൻഷൻ കാലാവധി 120 ദിവസം കൂടി നീട്ടി സർക്കാർ.
റിവ്യൂ കമ്മറ്റിയുടെ ശുപാർശ അനുസരിച്ചാണ് സസ്പെൻഷൻ നീട്ടിയിരിക്കുന്നത്.
എൻ പ്രശാന്ത് മറുപടി നല്കാത്തത് ഗുരുതര ചട്ടലംഘനമെന്നാണ് റിവ്യൂ കമ്മറ്റിയുടെ വിലയിരുത്തല്. ചീഫ് സെക്രട്ടറി നല്കിയ മെമ്മോക്കെതിരെ പ്രശാന്ത് തിരിച്ചു ചോദ്യങ്ങള് അയച്ചു പ്രതിഷേധിച്ചിരുന്നു.
അതേ സമയം പ്രശന്തിന് മറുപടി നല്കി ചീഫ് സെക്രട്ടറിയും രംഗത്തെത്തി. കുറ്റാരോപണ മെമോക്ക് മറുപടി നല്കുകയാണ് ആദ്യം ചെയ്യേണ്ടതെന്നും അതിന് ശേഷം രേഖകള് പരിശോധിക്കാൻ ഉദ്യോഗസ്ഥന് അവസരം ഉണ്ടാകുമെന്നും ചീഫ് സെക്രട്ടറി വ്യക്തമാക്കി.
Whatsapp Group 1 | Whatsapp Group 2 |Telegram Group
ചീഫ് സെക്രട്ടറിയുടെ ഓഫീസില് വന്ന് എന്ത് രേഖകളും പരിശോധിക്കാം. 2 കത്തുകള് ചീഫ് സെക്രട്ടറി പ്രശാന്തിന് നല്കിയിട്ടുണ്ട്. പ്രശാന്തിന് മറുപടി നല്കാനുള്ള സമയം 15 ദിവസം നീട്ടി നല്കുമെന്നും ചീഫ് സെക്രട്ടറി അറിയിച്ചു.
ഈ മാസം 6 നാണ് പ്രശാന്തിന് മറുപടി നല്കാനുള്ള സമയം അവസാനിച്ചത്.
