സ്വന്തം ലേഖകൻ
തിരുവനന്തപുരം: ബ്ലാക് ലിസ്റ്റില്‍പ്പെട്ട വാഹനങ്ങള്‍ നിരത്തിലിറങ്ങുന്നത് തടയാന്‍ കഴിയില്ലെന്നും പിഴ ചുമത്താൻ മാത്രമേ സാധിക്കൂ എന്നും ഗതാഗതമന്ത്രി ആന്റണി രാജു.
ഹൈക്കോടതി വിധിയുടെ അടിസ്ഥാനത്തില്‍ ബ്ലാക് ലിസ്റ്റില്‍പ്പെട്ട വാഹനങ്ങള്‍ക്ക് പിഴ ചുമത്താം എന്നല്ലാതെ അവയെ നിരോധിക്കാന്‍ മോട്ടോര്‍ വാഹന വകുപ്പിന് കഴിയില്ല. സ്വകാര്യ വാഹനങ്ങളെ അപേക്ഷിച്ച് നlസര്‍ക്കാര്‍ വാഹനങ്ങളാണ് നിരത്തിൽ താരതമ്യേന മാതൃകാപരമായി പെരുമാറുന്നത്. ബസ് ഓപ്പറേറ്റേഴ്സുമായി നടത്തിയ ചര്‍ച്ചയ്ക്ക് ശേഷം മാധ്യമങ്ങളോട് പ്രതികരിക്കുകയായിരുന്നു ഗതാഗത മന്ത്രി.
Whatsapp Group 1 | Whatsapp Group 2 |Telegram Group
ബ്ലാക് ലിസ്റ്റില്‍പ്പെട്ട വാഹനങ്ങള്‍ക്ക് പിന്നീട് പെര്‍മിറ്റ് നല്‍കാത്ത സമീപനം മോട്ടോര്‍ വാഹന വകുപ്പ് സ്വീകരിച്ചിരുന്നെങ്കിലും വാഹന ഉടമകള്‍ ഇതിനെതിരെ ഹൈക്കോടതിയില്‍ പോയി അനുകൂലമായ വിധി നേടിയെടുത്തിരുന്നു.
അതേസമയം, വടക്കഞ്ചേരിയില്‍ വിദ്യാര്‍ത്ഥികള്‍ ഉള്‍പ്പെടെ ഒമ്പതുപേരുടെ മരണത്തിനിടയാക്കിയ അപകടത്തിന്റ വിശദമായ റിപ്പോര്‍ട്ട് മോട്ടോര്‍വാഹന വകുപ്പ് അടുത്ത ദിവസം സമര്‍പ്പിക്കും.കെഎസ്ആര്‍ടിസി ബസ്സിന്റ വേഗം, റോഡിന്റെ അവസ്ഥ, രണ്ട് ക്യാമറകളിലെ ദൃശ്യങ്ങള്‍, മറ്റ് സാഹചര്യങ്ങള്‍ എന്നീ കാര്യങ്ങളാണ് പ്രധാനമായും പരിശോധിക്കുന്നത്.
ശാസ്ത്രീയ സാങ്കേതിക പരിശോധനകള്‍ക്ക് ശേഷമുള്ള റിപ്പോര്‍ട്ട് പാലക്കാട് എന്‍ഫോഴ്സ്മെന്റ് ആര്‍.ടി.ഒ ഗതാഗത കമ്മീഷണര്‍ക്കും കോടതിക്കുമാണ് സമര്‍പ്പിക്കുക.
