നെഞ്ചുവേദനയെ തുടര്‍ന്ന് സംഗീതസംവിധായകന്‍ എ ആര്‍ റഹ്മാൻ ആശുപത്രിയില്‍; ആരോഗ്യസ്ഥിതി മോശമായതിനെ തുടര്‍ന്ന് ലണ്ടനില്‍ നിന്ന് മടങ്ങിയെത്തിയത് കഴിഞ്ഞ ദിവസം

ചെന്നൈ: നെഞ്ചുവേദനയെ തുടര്‍ന്ന് സംഗീതസംവിധായകന്‍ എ ആര്‍ റഹ്മാനെ ആശുപത്രിയില്‍ പ്രവേശിപ്പിച്ചു.

ഞായറാഴ്ച രാവിലെ 7.30ഓടെ അദ്ദേഹത്തെ ചെന്നൈയിലെ ഒരു സ്വകാര്യ ആശുപത്രിയില്‍ പ്രവേശിപ്പിച്ചുവെന്നാണ് വിവിധ മാധ്യമങ്ങള്‍ റിപ്പോര്‍ട്ട് ചെയ്യുന്നത്.

വിദഗ്ധ ഡോക്ടര്‍മാരുടെ ഒരു സംഘം അദ്ദേഹത്തെ പരിശോധിച്ചുവരികയാണ്. നിലവില്‍ അദ്ദേഹത്തിന്റെ നില തൃപ്തികരമാണെന്നാണ് ലഭ്യമാകുന്ന വിവരം.

കഴിഞ്ഞ ദിവസമാണ് എ ആര്‍ റഹ്മാന്‍ ആരോഗ്യസ്ഥിതി മോശമായതിനെ തുടര്‍ന്ന് ലണ്ടനില്‍ നിന്ന് മടങ്ങിയെത്തിയത്.

നിര്‍ജലീകരണമാണ് അദ്ദേഹത്തിന്റെ ആരോഗ്യസ്ഥിതി വഷളാക്കിയതെന്നാണ് ലഭിക്കുന്ന വിവരം. കൂടുതല്‍ വിവരങ്ങള്‍ ലഭ്യമായിട്ടില്ല.