സ്വന്തം പെൺമക്കളെ മൂന്ന് വർഷം ഫ്ലാറ്റിനുള്ളിൽ പൂട്ടിയിട്ട് പീഡിപ്പിച്ചു; മൂന്ന് പേരെയും നിരത്തി നിർത്തി മുഖത്ത് കുരുമുളക് സ്പ്രേയടിച്ച് നിരന്തരം ലൈംഗി പീഡനത്തിനിരയാക്കിയ പിതാവിനെ പെൺകുട്ടികൾ കൊലപ്പെടുത്തിയ കേസിന്റെ വിചാരണ ആരംഭിച്ചു; ലോകത്തെ ഞെട്ടിച്ച സംഭവം നടന്നത് റഷ്യയിൽ
സ്വന്തം ലേഖകൻ
മോസ്കോ: വർഷങ്ങളോളം പിതാവിൽ നിന്നും ലൈംഗിക പീഡനം നേരിടേണ്ടി വന്ന റഷ്യൻ സഹോദരിമാരുടെ മുമ്പിൽ രണ്ട് മാർഗങ്ങളായിരുന്നു ഉണ്ടായിരുന്നത്. ജീവിതകാലം മുഴുവൻ സ്വന്തം പിതാവിന്റെ പീഡനത്തിനിരയായി ജീവിക്കുക, അല്ലെങ്കിൽ പിതാവെന്ന് നോക്കാതെ നീതി നടപ്പാക്കുക. വര്‍ഷങ്ങളോളം പൂട്ടിയിട്ട് ലൈംഗികമായി പീഡിപ്പിക്കുകയും ഉപദ്രവിക്കുകയും ചെയ്ത പിതാവിനെ മൂന്നു സഹോദരിമാര്‍ ചേര്‍ന്ന് കൊലപ്പെടുത്തിയ സംഭവത്തില്‍ മോസ്കോ കോടതി വിചാരണ ആരംഭിച്ചു. രണ്ടു വര്‍ഷം മുമ്പാണു ലോകത്തെ ഞെട്ടിപ്പിച്ച സംഭവമുണ്ടായത്. മൂത്ത സഹോദരിമാരായ ക്രിസ്റ്റീന (19), ആഞ്ചലീന (18) എന്നിവരെ ഒരുമിച്ചും കൊലപാതക സമയത്ത് പ്രായപൂര്‍ത്തി ആയിട്ടില്ലാതിരുന്ന ഇളയ സഹോദരി മരിയയെ (17) പിന്നീടുമാവും വിചാരണ ചെയ്യുകയെന്ന് അഭിഭാഷകര്‍ പറഞ്ഞു. ഗാര്‍ഹിക, ലൈംഗിക പീഡനം സഹിക്കവയ്യാതെയാണ് പെണ്‍കുട്ടികള്‍ കടുംകൈ ചെയ്തതെന്ന വാദവുമായി അവരെ പിന്തുണച്ച് ഒട്ടേറെ ആളുകളാണ് രംഗത്തുള്ളത്.
2018 ജൂലൈ 27-നാണ് മോസ്‌കോയിലെ ഫ്‌ലാറ്റിന്റെ സ്റ്റെയര്‍കെയ്സില്‍ മിഖായേല്‍ ഖച്ചതുര്യാന്റെ മൃതദേഹം കണ്ടെത്തിയത്. നെഞ്ചിലും കഴുത്തിലും പലതവണ കുത്തേറ്റ പാടുകളുണ്ടായിരുന്നു. പ്രതികരിക്കുക അല്ലെങ്കില്‍ പിതാവിന്റെ കൈകൊണ്ടു മരിക്കുക എന്നീ രണ്ടു മാര്‍ഗങ്ങള്‍ മാത്രമാണ് പെണ്‍കുട്ടികള്‍ക്കുണ്ടായിരുന്നതെന്ന് അഭിഭാഷകര്‍ ചൂണ്ടിക്കാട്ടി. മരിക്കുന്നതിന് ഏതാനും മണിക്കൂറുകള്‍ക്ക് മുമ്പ്, ഒരു സൈക്യാട്രിക് ക്ലിനിക്കില്‍ നിന്ന് മടങ്ങിയെത്തിയ മിഖായേല്‍ തന്റെ മൂന്ന് പെണ്‍മക്കളെയും അപ്പാര്‍ട്ട്‌മെന്റില്‍ അണിനിരത്തി അവരുടെ മുഖത്ത് കുരുമുളക് സ്പ്രേ ചെയ്തുവെന്ന് അന്വേഷണ ഉദ്യോഗസ്ഥരുും സഹോദരിമാരുടെ അഭിഭാഷകരും പറയുന്നു.
Whatsapp Group 1 | Whatsapp Group 2 |Telegram Group
പിതാവിന്റെ ഈ ക്രൂരതയില്‍ ആസ്ത്മയുള്ള മൂത്തമകള്‍ ക്രെസ്റ്റീന ബോധംകെട്ടു. ആ രാത്രിയിലായിരുന്നു സഹോദരിമാര്‍ പിതാവിനെ കൊല്ലാന്‍ തീരുമാനിച്ചത്. ചുറ്റിക, കത്തി, പിതാവ് അവരെ നേരത്തെ അക്രമിക്കാന്‍ ഉപയോഗിച്ച അതേ കുരുമുളക് സ്പ്രേ എന്നിവ ഉപയോഗിച്ച് അവര്‍ ഉറങ്ങിക്കിടന്ന പിതാവിനെ അക്രമിക്കുകയായിരുന്നു. പിതാവാണ് ആദ്യം ആക്രമിച്ചതെന്നു വരുത്തിത്തീര്‍ക്കാന്‍ അവര്‍ സ്വയം മുറിവേല്‍പ്പിച്ചു. 30 തവണ കത്തി കൊണ്ട് കുത്തി, ചുറ്റിക കൊണ്ട് തലയ്ക്കടിച്ചു. ശരീരത്തില്‍ കുരുമുളക് സ്പ്രേ തളിച്ചു. അയാള്‍ പിടഞ്ഞു മരിക്കുന്നത് നോക്കിനിന്നു. മരിച്ചെന്ന് ഉറപ്പായപ്പോള്‍ പൊലീസിനെയും ആംബുലന്‍സിനെയും വിളിച്ച് ശാന്തമായി കാര്യം പറഞ്ഞു. പിറ്റേന്ന് അറസ്റ്റിലായ ശേഷം, കൊന്നത് തങ്ങളാണെന്ന് അവര്‍ ഏറ്റുപറഞ്ഞു. കരുതിക്കൂട്ടി കൊലപാതകം ചെയ്തുവെന്ന കുറ്റമാണു സഹോദരിമാര്‍ക്കെതിരെ ചുമത്തിയതെന്നും അന്വേഷണം പൂര്‍ത്തിയായെന്നും അന്വേഷണ കമ്മിറ്റി അറിയിച്ചിരുന്നു.
തങ്ങളുടെ പിതാവില്‍ നിന്ന് വര്‍ഷങ്ങളോളം ലൈംഗികവും ശാരീരികവും വൈകാരികവുമായ ഉപദ്രവം സഹിച്ചതായി അവരുടെ അഭിഭാഷകരും റഷ്യന്‍ പ്രോസിക്യൂട്ടര്‍ ജനറല്‍ ഓഫീസും അറിയിച്ചു. നീണ്ടതും സങ്കീര്‍ണ്ണവുമായ പ്രീ-ട്രയല്‍ അന്വേഷണത്തിന് ശേഷം, അവരുടെ വിചാരണ വെള്ളിയാഴ്ച മോസ്‌കോയിലെ ഒരു കോടതിമുറിയില്‍ ആരംഭിക്കുകയാണ്. രണ്ട് മൂത്ത സഹോദരിമാരായ ക്രിസ്റ്റീനയെയും ആഞ്ചലീനയെയും ഒരുമിച്ച് വിചാരണ നടത്തും. കൊലപാതകം നടക്കുമ്പോള്‍ പ്രായപൂര്‍ത്തിയാകാത്തവളായിരുന്നുവെങ്കിലും 18 വയസ്സ് തികഞ്ഞതിന് ശേഷം കുറ്റാരോപിതയായ മരിയയെ കൊലപാതകം ചെയ്യാന്‍ മാനസികമായി യോഗ്യനല്ലെന്നും കൊലപാതകക്കുറ്റം ചുമത്തി പ്രത്യേകം വിചാരണ ചെയ്യുമെന്നും സഹോദരിമാരുടെ അഭിഭാഷകരിലൊരാളായ അലക്സി ലിപ്റ്റ്സര്‍ പറഞ്ഞു.
മിഖായേല്‍ ഖചാതുര്യന്‍ അവരെ കൊല്ലുമെന്നും ഭീഷണിപ്പെടുത്തിയതായും അവരെയും അമ്മയെയും ലൈംഗികമായി പീഡിപ്പിക്കുമെന്നും കണ്ടെത്തി.”എല്ലാത്തിനും ഞാന്‍ നിങ്ങളെ അടിക്കും, ഞാന്‍ നിങ്ങളെ കൊല്ലും,” ഒരു പുരുഷസുഹൃത്തുമായി ലൈംഗിക ബന്ധത്തില്‍ ഏര്‍പ്പെട്ടുവെന്ന് ആരോപിച്ച് 2018 ഏപ്രില്‍ മുതല്‍ നിങ്ങള്‍ വേശ്യകളാണ്, നിങ്ങള്‍ വേശ്യകളായി മരിക്കുമെന്ന് അയാള്‍ പറയുമായിരുന്നു.
അവര്‍ക്ക് മറ്റ് മാര്‍ഗമില്ലെന്ന് കരുതുന്നു. പിതാവ് പെണ്‍കുട്ടികളെ നിരാശയിലേയ്ക്ക് നയിച്ചു, അവരുടെ ജീവിതം മുഴുവന്‍ തുടര്‍ച്ചയായ നരകമായിരുന്നു. ആരോഗ്യവാനും ശാന്തനും സമതുലിതവുമായ ആളുകളുമായി അവരെ താരതമ്യം ചെയ്യാന്‍ കഴിയില്ല എന്ന് സഹോദരിമാരുടെ അഭിഭാഷകരിലൊരാളായ അലക്സി പാര്‍ഷിന്‍ പറഞ്ഞു.
