തലയ്ക്കടിച്ച്‌ ബോധം കെടുത്തി; മണ്ണെണ്ണയൊഴിച്ച്‌ തീകൊളുത്തി; കരുനാഗപ്പള്ളിയില്‍ 86കാരിയുടെ മരണം കൊലപാതകം; മരുമകള്‍ അറസ്റ്റില്‍

സ്വന്തം ലേഖിക

കൊല്ലം: കരുനാഗപ്പള്ളിയില്‍ 86കാരിയുടെ മരണം കൊലപാതകമെന്ന് പൊലീസ്.

കരുനാഗപ്പള്ളി കുലശേഖരപുരം സ്വദേശി നളനാക്ഷിയാണ് മരിച്ചത്. ഇവരുടെ മരുമകൾ രാധാമണിയെ പൊലീസ് അറസ്റ്റ് ചെയ്തു.

നളിനാക്ഷിയെ തലയ്ക്കടിച്ച്‌ ബോധം കെടുത്തിയ ശേഷം, മണ്ണെണ്ണയൊഴിച്ച്‌ തീകൊളുത്തുകയായിരുന്നുവെന്ന് പൊലീസിൻ്റെ ചോദ്യം ചെയ്യലില്‍ രാധാമണി വ്യക്തമാക്കി.

കഴിഞ്ഞമാസം 29നാണ് നളിനാക്ഷി മരിച്ചത്. ആത്മഹത്യയെന്നായിരുന്നു പൊലീസിന്റ പ്രാഥമിക നിഗമനം.

എന്നാല്‍ നളിനാക്ഷിയും രാധാമണിയും തമ്മില്‍ വീട്ടില്‍ നിരന്തരം വഴകായിരുന്നു. ഇതേ തുടർന്ന് നാട്ടുകാരില്‍ ചിലര്‍ സംശയം പ്രകടിപ്പിച്ചു.

പോസ്റ്റ്‌മോര്‍ട്ടത്തില്‍ തലയ്ക്ക് മുറിവേറ്റതും കണ്ടെത്തി. തുടര്‍ന്ന് നടത്തിയ അന്വേഷണത്തിലാണ് കൊലപാതകമാണെന്ന് തെളിഞ്ഞത്.