ബാംഗ്ലൂരിൽ നിന്ന് ഹാഷിഷ് ഓയിലുമായി വന്ന ഈരാറ്റുപേട്ട സ്വദേശിയായ യുവാവ് മുണ്ടക്കയം പോലീസിന്റെ പിടിയിൽ! പ്രതിയെ പിടികൂടിയത് തേർഡ് ഐ ന്യൂസ് ചീഫ് എഡിറ്ററുടെ കാറടക്കം മൂന്ന് വാഹനങ്ങൾ വട്ടം വിലങ്ങി അതിസാഹസികമായി

മുണ്ടക്കയം : ഹാഷിഷ് ഓയിലുമായി ഈരാറ്റുപേട്ട സ്വദേശിയായ യുവാവ് മുണ്ടക്കയത്ത് പോലീസിന്റെ പിടിയിൽ. ഈരാറ്റുപേട്ട അമ്പഴത്തിനാൽ വീട്ടിൽ സെയ്ദലിയാണ് പിടിയിലായത്.

ജില്ലാ പോലീസ് മേധാവിയുടെ ഡാൻസാഫ് ടീം പിന്തുടർന്ന് വന്ന പ്രതിയുടെ ബുള്ളറ്റ് മുണ്ടക്കയം ടൗണിലൂടെ ചീറിപ്പാഞ്ഞ് എത്തുകയായിരുന്നു.  പ്രതിയുടെ ബുള്ളറ്റിനു മുൻപിൽ തേർഡ് ഐ ന്യൂസ് ചീഫ് എഡിറ്ററുടെ കാറും പൊലീസ് ഉദ്യോഗസ്ഥൻ്റെ കാറും വട്ടം വെച്ച് വിലങ്ങിയാണ് സെയ്ദലിയെ പോലീസ് പിടികൂടിയത്.

ബാംഗ്ലൂരിൽ നിന്ന് കുമളി വഴി മുണ്ടക്കയത്തേക്ക് വരുകയായിരുന്ന യുവാവിൽ നിന്ന് രണ്ട് ഗ്രാം ഹാഷിഷ് ഓയിൽ പോലീസ് സംഘം പിടിച്ചെടുത്തു

ജില്ലാ പോലീസ് മേധാവി ഷാഹുൽ ഹമീദ്  ഐപിഎസിന്റെ ലഹരി വിരുദ്ധ സ്‌ക്വാഡും , മുണ്ടക്കയം എസ് എച്ച് ഒ രാകേഷ് കുമാറും , എസ് ഐ വിപിൻ കെ വി യും ചേർന്നാണ് പ്രതിയെ പിടികൂടിയത്.