മുണ്ടക്കയം മൈക്കോളജി ഗ്രീൻവാലി റോഡ് സഞ്ചാരയോഗ്യമാക്കി

സ്വന്തം ലേഖകൻ

കോട്ടയം : മുണ്ടക്കയം ഗ്രാമപഞ്ചായത്തിൽ ആറാം വാർഡിലെ മൈക്കോളജി ഗ്രീൻവാലി റോഡ് സഞ്ചാരയോഗ്യമാക്കി. വാർഡ് മെമ്പർ ബെന്നി ചേറ്റുകുഴി റോഡ് ജനങ്ങൾക്ക് തുറന്നു കൊടുത്തു.

തൊഴിലുറപ്പ് പദ്ധതി വിഹിതത്തിൽ ഉൾപ്പെടുത്തി 5 ലക്ഷം രൂപ ചിലവിട്ടാണ് റോഡിന്റെ നിർമ്മാണം. മൈക്കോളജി റോഡിനെ കോരുത്തോട് റോഡുമായി ബന്ധിപ്പിക്കുന്ന പാതയാണിത്. വാർഡ് മെമ്പർ ബെന്നി ചേറ്റുകുഴിയുടെ നിരന്തരമായ പരിശ്രമങ്ങൾക്കൊടുവിലാണ് റോഡ് യാഥാർത്ഥ്യമായത്.

ഗ്രീൻ നഗർ റസിഡൻസ് അസോസിയേഷൻ പ്രസിഡന്റ് വി ടി ബാബുവിന്റെ അധ്യക്ഷതയിൽ ചേർന്ന യോഗത്തിൽ സുധാകരൻ പുത്തൻ പറമ്പിൽ, കെ കെ രാഘവൻ, തമ്പി തുടങ്ങിയവർ സംസാരിച്ചു.