മുണ്ടക്കയം ചാച്ചികവല ചെക്ക് ഡാമിന് സമീപം അജ്ഞാത മൃതദേഹം കണ്ടെത്തിയ സംഭവം; മരിച്ചത് കോട്ടയം പട്ടിത്താനം സ്വദേശി

സ്വന്തം ലേഖിക

മുണ്ടക്കയം: ചാച്ചികവല ചെക്ക് ഡാമിൽ മധ്യവയസ്കനന്റേതെന്ന് കരുതുന്ന മൃതദേഹം കണ്ടെത്തിയ സംഭവം. മരിച്ച ആളെ തിരിച്ചറിഞ്ഞു.

കോട്ടയം പട്ടിത്താനം സ്വദേശി വട്ട മുകളേൽ വീട് സണ്ണി മാത്യു (56)വാണ് മരിച്ചത്.

ജൂൺ 27ന് മണിമലയാറ്റിൽ ചാച്ചി കവല ഭാഗത്താണ് മുങ്ങിമരിച്ച നിലയിൽ സണ്ണിയെ കണ്ടെത്തിയത്. ചെക്ക് ഡാമിനു മുകൾ ഭാഗത്തായി ഒരാൾ വെള്ളത്തിൽ മുങ്ങുന്നതുകണ്ടതായി നാട്ടുകാർ ഈ വിവരം പോലീസിൽ അറിയിക്കുകയായിരുന്നു .

തുടർന്ന് മുണ്ടക്കയം പോലീസും, കാഞ്ഞിരപ്പള്ളി ഫയർഫോഴ്സും നടത്തിയ തെരച്ചിലിലാണ് മൃതദേഹം കണ്ടെത്തിയത്.