സ്മാർട്ട് ഫോൺ ആരാധകർക്ക് സന്തോഷിക്കാം ; മോട്ടറോള ജി 8 ഇന്ത്യൻ വിപണിയിലെത്തി ; വില 13,999 രൂപ

സ്വന്തം ലേഖകൻ

കൊച്ചി : മൊബൈൽ ഫോൺ ആരാധകർക്ക് ആഹ്ലാദിക്കാം. മുൻനിര സ്മാർട്ട് ഫോൺ കമ്പനിയായി മോട്ടറോള ജി 8 ഇന്ത്യയിൽ അവതരിപ്പിച്ചു. മോട്ടോ ജി 8 13,999 രൂപയ്ക്ക് ആയിരിക്കും ഇന്ത്യയിൽ ലഭ്യമാവുക. എച്ച്ഡി + ഡിസ്‌പ്ലേ, പുതിയ ട്രിപ്പിൾ ക്യാമറ സജ്ജീകരണം, വലിയ ബാറ്ററി എന്നിവയുമായാണ് പുതിയ മിഡ് റേഞ്ച് മോട്ടറോള സ്മാർട്ട്‌ഫോൺ വരുന്നത്.

മോട്ടറോളയിൽ നിന്നുള്ള ഏറ്റവും പുതിയ സ്മാർട്ട്‌ഫോണിന് 4 കെ വീഡിയോകൾ 30 എഫ്പിഎസിൽ ഷൂട്ട് ചെയ്യാൻ കഴിയുമെന്നത് മറ്റൊരു പ്രത്യേകതയാണ് . ക്വാൽകോം സ്‌നാപ്ഡ്രാഗൺ 665 ആണ് മോട്ടറോള മോട്ടോ ജി 8 ന്റെ കരുത്ത് പകരുന്നത്. ഇത് മോട്ടോ ജി 8 പ്ലസിനും കരുത്ത് പകരുന്നു.അഡ്രിനോ 600ക്ലാസ് ജി.പി.യു പഴയ മോഡലിലെ 500ക്ലാസ് ജിപിയുവിനേക്കാൾ ഇരട്ടി വേഗതയുള്ളതും പ്രത്യേകതയാണ്.

മോട്ടറോള കുറഞ്ഞത് ഒരു യുഎസ്ബിസി പോർട്ട് വാഗ്ദാനം ചെയ്തിട്ടുണ്ട്. 3.5 എം.എം ഹെഡ്‌ഫോൺ ജാക്കും ബ്ലൂടൂത്ത് 5.0 പിന്തുണയ്ക്കുന്നു. കൂടാതെ സുരക്ഷയ്ക്കായി ഫോണിന്റെ പിൻഭാഗത്തായി ഫിംഗർപ്രിന്റ് റീഡറും ഉണ്ട്.