കൂട്ടികള്‍ക്കും മുതിര്‍ന്നവര്‍ക്കും ഒരുപോലെ ഇഷ്ട്ടമാകുന്ന ഒരു മോമോസ് റെസിപ്പി ഇതാ
കോട്ടയം: കുട്ടികള്‍ക്കും മുതിർന്നവർക്കും ഒരുപോലെ ഇഷ്ടമാകുന്ന മോമോസ് തയ്യാറാക്കിയാലോ? വളരെ എളുപ്പത്തില്‍ തന്നെ തയ്യാറാക്കാം.
റെസിപ്പി നോക്കിയാലോ?
ആവശ്യമായ ചേരുവകള്‍
Whatsapp Group 1 | Whatsapp Group 2 |Telegram Group
മൈദ പൊടി – 2 കപ്പ്
ഉപ്പ് – ആവശ്യത്തിന്
ചിക്കൻ – 250 ഗ്രാം
തക്കാളി – 3 എണ്ണം
വറ്റല്‍ മുളക് – 12 എണ്ണം
വെളുത്തുള്ളി – 1 സ്പൂണ്‍
ഇഞ്ചി – 1 ടീ സ്പൂണ്‍
സോയ സോസ് – 1 സ്പൂണ്‍
പഞ്ചസാര – 1 സ്പൂണ്‍
വിനാഗിരി – 1 സ്പൂണ്‍
സ്പ്രിംഗ് ഓണിയൻ – 1/4 കപ്പ്
മല്ലിയില
ഇഞ്ചി വെളുത്തുള്ളി പേസ്റ്റ് – 1 ടീ സ്പൂണ്‍
കുരുമുളക് പൊടി
പച്ച മുളക് – 1 എണ്ണം
സവാള – 1/4 കപ്പ്
ഓയില്‍
തയ്യാറാക്കുന്ന വിധം
ഒരു ബൗളിലേക്ക് മൈദപ്പൊടി ഇട്ടു കൊടുക്കുക അതിലേക്ക് ആവശ്യത്തിനുള്ള ഉപ്പും വെള്ളവും ഒഴിച്ച്‌ കൊടുത്തു നന്നായി കുഴച്ചെടുത്ത് കുറച്ച്‌ എണ്ണ തടവിയ ശേഷം ഒരു മണിക്കൂർ റസ്റ്റ് ചെയ്യാൻ വയ്ക്കുക. ഒരു പാത്രത്തില്‍ വെള്ളം എടുത്ത് അടുപ്പില്‍ വച്ച്‌ തിളപ്പിക്കുക. ഇതിലേക്ക് ഉണക്ക മുളക് ഇട്ട് കൊടുത്ത ശേഷം തക്കാളി അരിഞ്ഞത് കൂടി ഇട്ടുകൊടുത്തു നന്നായി തിളപ്പിച്ചെടുക്കുക. ശേഷം ഇത് വെള്ളത്തില്‍ നിന്ന് മാറ്റി മിക്സിയുടെ ജാറിലേക്ക് ഇട്ട് നന്നായി പേസ്റ്റ് രൂപത്തില്‍ അരച്ചെടുക്കുക. തക്കാളി ഇട്ടുകൊടുക്കുമ്പോള്‍ തക്കാളിയുടെ തൊലി മാറ്റിയ ശേഷം വേണം ഇട്ടു കൊടുക്കാൻ.
ഇനി ഒരു പാൻ അടുപ്പില്‍ വച്ച്‌ അതിലേക്ക് ഓയില്‍ ഒഴിച്ച്‌ കൊടുത്തശേഷം ചെറുതായി അരിഞ്ഞ ഇഞ്ചിയും വെളുത്തുള്ളിയും ഇട്ടു കൊടുക്കുക. കൂടെ തന്നെ സോയാസോസും ഇട്ട് നന്നായി ഇളക്കി യോജിപ്പിച്ച ശേഷം നമ്മള്‍ അരച്ചു വച്ചിരിക്കുന്ന പേസ്റ്റ് ഇതിലേക്ക് ഒഴിച്ചു കൊടുക്കുക ഇനി ആവശ്യത്തിന് ഉപ്പും പഞ്ചസാരയും വിനാഗിരിയും ഒഴിച്ചു കൊടുത്തു നന്നായി ഇളക്കി യോജിപ്പിക്കുക. കഴുകി വൃത്തിയാക്കിയ ചിക്കൻ ഉപ്പും മഞ്ഞള്‍പ്പൊടിയും ഇട്ട് വേവിച്ചെടുത്ത ശേഷം മിക്സിയുടെ ജാറില്‍ ഇട്ട് നന്നായി പൊടിച്ചെടുക്കുക.
ഇനി ഇതൊരു ബൗളിലേക്ക് മാറ്റി അതിലേക്ക് ചെറുതായി അരിഞ്ഞ സവാള മല്ലിയില സ്പ്രിങ് ഒണിയൻ കുരുമുളകുപൊടി ഇഞ്ചി വെളുത്തുള്ളി പേസ്റ്റ് പച്ചമുളക് ഓയില്‍ എന്നിവ ചേർത്ത് നന്നായി മിക്സ് ചെയ്ത് എടുക്കുക. ഇനി കുഴച്ചു വച്ചിരിക്കുന്ന പൊടി നന്നായി പരത്തിയ ശേഷം അത് വട്ടത്തില്‍ ഷേപ്പ് ആക്കി എടുക്കുക. ഇനി ഈയൊരു പത്തിരി എടുത്ത് കയ്യില്‍ വച്ചിട്ട് അതില്‍ നടുക്കായി ചിക്കന്റെ ഫില്ലിംഗ് വെച്ചുകൊടുക്കുക. പിന്നീട് മോമോസിന്റെ ഷേപ്പില്‍ മടക്കിയെടുക്കുക. ഒരു സ്റ്റീമറില്‍ വെള്ളം വെച്ച്‌ തിളപ്പിച്ച ശേഷം ഇതിനുമുകളില്‍ കുറച്ച്‌ എണ്ണ തടവിയ ശേഷം അതില്‍ വച്ച്‌ 15 മിനിറ്റ് ആവി കേറ്റി എടുത്താല്‍ മോമോസ് റെഡി.
