ട്രെയിനിൽ യാത്ര ചെയ്യവേ കർണാടക സ്വദേശിനിയുടെ മൊബൈൽ ഫോൺ മോഷ്‌ടിച്ച കേസിൽ അസം സ്വദേശിയായ യുവാവ് പിടിയിൽ ; പ്രതിയെ പിടികൂടിയത് കോട്ടയം റെയിൽവേ പോലീസ് സ്റ്റേഷൻ എസ് എച്ച് ഒ റെജി പി ജോസഫിന്റെ നേതൃത്വത്തിലുള്ള സംഘം

സ്വന്തം ലേഖകൻ

കോട്ടയം : ബാംഗ്ലൂർ തിരുവനന്തപുരം എക്സ്പ്രസ്സിൽ ശ്രീപത്മനാഭസ്വാമി ക്ഷേത്രത്തിലേക്ക് യാത്ര ചെയ്തിരുന്ന കർണാടക സ്വദേശിനിയുടെ മൊബൈൽ ഫോൺ മോഷ്‌ടിച്ച കേസിൽ അസാം സ്വദേശി അറസ്റ്റിൽ.

യാത്രക്കാരിയുടെ പരാതിയുടെ അടിസ്ഥാനത്തിൽ നടത്തിയ അന്വേഷണത്തിലാണ് അസം സ്വദേശിയായ മിറാജുൽ ഇസ്ലാം(28) നെ പിടികൂടിയത്.

കോട്ടയം റെയിൽവേ പോലീസ് സ്റ്റേഷൻ എസ് എച്ച് ഒ റെജി പി ജോസഫിന്റെയും ഫ്ലാറ്റ് ഫോം ഡ്യൂട്ടിയിലുണ്ടായിരുന്ന സീനിയർ സിവിൽ പോലീസ് ഓഫീസർമാരായ സാം മാർട്ടിൻ, ഹരിജിത്ത് ആർപിഎഫ് ഉദ്യോഗസ്ഥരായ സനൽ ജി കൃഷ്ണൻ , അനിൽ കെ ബാബു എന്നിവർ നടത്തിയ അന്വേഷണത്തിലാണ് പ്രതികളെ പിടികൂടിയത്.

പ്രതിയെ അരമണിക്കൂറിനുള്ളിൽ കണ്ടെത്തി അറസ്റ്റ് ചെയ്തു. മൊബൈൽ റിക്കവർ ചെയ്തു പ്രതിയെ കോടതിയിൽ ഹാജരാക്കി റിമാൻഡ് ചെയ്തു