കോട്ടയം: പകലത്തെ അലച്ചിലും മറ്റ് തിരക്കുകളുമെല്ലാം കഴിഞ്ഞ് രാത്രില്‍ ഫോണെടുത്ത് കുറച്ച്‌ സമയം ചിലവഴിക്കുന്നവരാണ് നമ്മള്‍.
ഫോണ്‍ ഇല്ലാത്തൊരു ലോകത്തെക്കുറിച്ച്‌ ഇനി ചിന്തിക്കാൻ പോലും കഴിയില്ല. രാവിലെ ഉണരുന്നത് മുതല്‍ ഉറങ്ങുന്നതുവരെ നമ്മുക്കൊപ്പം ഫോണ്‍ ഉണ്ടാകും. ഫോണിനെ ആശ്രയിക്കാതെ ഒരു ദിവസം പോലുമില്ലെന്ന് ചുരുക്കത്തില്‍ പറയാം.
എന്നാല്‍ ഫോണില്‍ നോക്കി കിടക്കുന്നവർ ഏറെയാണ്. റീല്‍സും സിനിമയും എല്ലാം കണ്ടാണ് കിടക്കുന്നത്. ചെറുപ്പക്കാർ മാത്രമല്ല പ്രായമായവരും ഇത്തരത്തില്‍ കിടന്ന് ഫോണ്‍ ഉപയോഗിക്കാറുണ്ട്. എന്നാല്‍ ഇത് വളരെ ദോഷമാണെന്നാണ് വിദഗ്ധർ പറയുന്നത്. കിടന്ന് കൊണ്ട് മൊബെെല്‍ നോക്കുന്നത് കഴുത്തിലെ പേശികള്‍ക്ക് കൂടുതല്‍ സ്ട്രെയിൻ വരുന്നതിന് കാരണമാകും.
Whatsapp Group 1 | Whatsapp Group 2 |Telegram Group
കൂടുതല്‍ നേരം കിടന്ന് ഫോണ്‍ ഉപയോഗിച്ചാല്‍ കെെയില്‍ തരിപ്പ് അനുഭവപ്പെടുന്നു. കൂടാതെ ശരിയായ രക്തയോട്ടത്തെയും ഇത് ബാധിക്കുന്നു. അതിനാല്‍ കിടന്ന് ഫോണ്‍ ഉപയോഗിക്കുന്നത് കഴിവതും ഒഴിവാക്കുക. ചരിഞ്ഞ് കിടന്ന് ഫോണ്‍ ഉപയോഗിച്ചാല്‍ കഴുത്തിലെ പേശികള്‍ വലിയുന്നതിനും ഇത് തലവേദനയ്ക്ക് കാരണമാകുകയും ചെയ്യുന്നു. കിടന്ന് ഫോണ്‍ ഉപയോഗിക്കണമെങ്കില്‍ മലർന്ന് കിടന്ന് മുഖത്തിന് നേരെ വച്ച്‌ ഉപയോഗിക്കുന്നതാണ് നല്ലത്. എന്നാല്‍ ഇത്തരത്തില്‍ കിടന്ന് ഫോണ്‍ 10 മിനിട്ട് മാത്രമെ ഉപയോഗിക്കാവും. 10 മിനിട്ടില്‍ കൂടുതല്‍ ഓരോ പോലെ കിടന്ന് ഫോണ്‍ ഉപയോഗിക്കുന്നത് കഴുത്തിന് സ്ട്രെയിൻ വരുന്നതിന് കാരണമാകുന്നു.
