തിരുവനന്തപുരം: മകളുടെ വിവാഹത്തിന് 500 പവൻ നല്കിയ ഭരണകക്ഷിയില്പെട്ട കൊല്ലത്തെ മുൻ എം.എല്.എയ്ക്കും ഭര്തൃപീഡനത്തില് നിന്ന് മകളെ രക്ഷിക്കാനായില്ല.
നിലവിലെ എം.എല്.എയുടെ സഹോദരിയുമാണിവര്. കൂടുതല് സ്ത്രീധനമാവശ്യപ്പെട്ട് ഭര്ത്താവും ഭര്ത്തൃമാതാവും പീഡിപ്പിക്കുന്നതായി പെണ്കുട്ടി പൊലീസില് പരാതിപ്പെട്ടിരുന്നു.
500 പവൻ വിറ്റുതുലച്ചു. മൂന്നു കോടി രൂപ വാങ്ങുകയും ചെയ്തു.
എന്നിട്ടും കൂടുതല് സ്ത്രീധനം ആവശ്യപ്പെട്ടായിരുന്നു പീഡനം.
Whatsapp Group 1 | Whatsapp Group 2 |Telegram Group
കുട്ടികളുണ്ടായിട്ടും തുടര്ന്നു. പൊലീസ് ആദ്യം ഉഴപ്പി. പിന്നീട് ഭര്ത്താവിനും മാതാപിതാക്കള്ക്കുമെതിരെ കേസെടുത്തെങ്കിലും അന്വേഷണം മുന്നോട്ടുപോയില്ല.
ഒടുവില് കേസന്വേഷണം ക്രൈംബ്രാഞ്ചിനു വിടണമെന്നാവശ്യപ്പെട്ട് യുവതി ഹൈക്കോടതിയില് പോയി. കോടതി ഇടപെട്ടതോടെ കുട്ടികളെ സംരക്ഷിക്കാത്തതിന് ജുവനൈല് ജസ്റ്റിസ് നിയമപ്രകാരമുള്ള ജാമ്യമില്ലാവകുപ്പും ചുമത്തി.
