കുമരകം: കോട്ടയം -കുമരകം റോഡിൽ വായനശാല മുതൽ അയ്യമാത്ര വരെയുള്ള ഭാഗത്ത് നാൽക്കാലികൾ വാഹന യാത്രക്കാരും കാൽ നടയാത്രക്കാരേയും ആക്രമിക്കുന്നു. വഴിയരികിൽ തീറ്റാനായി കെട്ടിയിട്ടുന്നതാണ് വഴിയാതക്കാർക്കും വാഹനങ്ങൾക്കും കെണിയായിരിക്കുന്നത്..
കഴിഞ്ഞ ദിവസം വായനശാല കഴിഞ്ഞുള്ള ഭാഗത്ത് പ്രധാന റോഡിനു സമീപം കെട്ടി നിർത്തിയ പോത്താണ് ഇരുചക്ര വാഹനയാത്രക്കാർക്കും ഓട്ടോറിക്ഷാക്കാർക്കും കാൽനടയാത്രക്കാർക്കും ഭീഷണിയായത്. എത്ര അപകടങ്ങൾ ഉണ്ടായിട്ടും നാൽക്കാലികളെ റോഡിൽ വളർത്തുന്നതിന് ഒരു നിയന്ത്രണവും ഉടമകളുടെ ഭാഗത്തു നിന്നും ഉണ്ടായിട്ടില്ല.
വന്യമൃഗങ്ങളുടെ അക്രമത്തിൽ ജീവൻ നഷ്ടപ്പെട്ടവരെ കുറിച്ചും ശയ്യാലംബരായവരെ കുറിച്ചുള്ള വാർത്ത നിത്യേന വന്നുകൊണ്ടിരിക്കുമ്പോൾ നിയന്ത്രിക്കാനും ശിക്ഷിക്കാനും ചുമതലയുള്ളവർ ഇത്തരക്കാർക്കെതിരെ കർശനമായ നടപടി സ്വീകരിക്കണമെന്നാണ് യാത്രക്കാരുടെ ആവശ്യം.
Whatsapp Group 1 | Whatsapp Group 2 |Telegram Group
അപകടക്കെണിയായ കണ്ണാടിച്ചാൽ പരിസരത്ത് മുമ്പ് പോത്ത് കുറുകെ ചാടി പരുക്കേറ്റ പോലീസ് ഉദ്യോഗസ്ഥന്റെ ദുരവസ്ഥ പോലും എല്ലാവരും മറന്ന മട്ടാണ്. പോത്തിന് ബോധമില്ല എന്ന ചൊല്ല് പോത്തിന് മാത്രമല്ല ഇപ്പോൾ അനുയോജ്യം.
വിനോദ സഞ്ചാരികൾക്കു പോലും നാൽക്കാലികൾ ഭീഷണിയായിട്ടുണ്ട്.
