കോട്ടയത്തിന് അഭിമാന നിമിഷം; റൈഫിൾ അസോസിയേഷന്റെ ജില്ലാ ഷൂട്ടിങ് ചാംപ്യൻഷിപ്പിൽ ഗോൾഡ്, സിൽവർ, ബ്രോൺസ് മെഡലുകൾ നേടി മിയ അന്ന

സ്വന്തം ലേഖകൻ

കോട്ടയം: റൈഫിൾ അസോസിയേഷന്റെ നാട്ടകം ഷൂട്ടിങ് റേഞ്ചിൽ നടന്ന ജില്ലാ ഷൂട്ടിങ് ചാംപ്യൻഷിപ്പിൽ ആറ് മെഡലുകൾ സ്വന്തമാക്കി മിയ അന്ന കോട്ടയത്തിന്റെ അഭിമാനതാരമായി.

50 മീറ്റർ .22 റൈഫിൾ, 10 മീറ്റർ .177 റൈഫിൾ ഇനങ്ങളിൽ സബ് യൂത്ത് , യൂത്ത്, ജൂനിയർ, സീനിയർ വിഭാഗങ്ങളിലായി മൂന്ന് ഗോൾഡ്, രണ്ട് സിൽവർ, ഒരു ബ്രോൺസ് എന്നിങ്ങനെ ആറ് മെഡലുകൾ നേടി മിയ അന്ന.

ഇരവിനല്ലൂർ പാലത്തിങ്കൽ ഗിരീഷ് കെ. പാലറ്റിൻ്റെയും സിനുവിൻ്റെയും മകളും, പുതുപ്പള്ളി ഡോൺ ബോസ്കോ സെൻട്രൽ സ്കൂൾ ഒൻപതാം ക്ലാസ് വിദ്യാർഥിനിയും ആണ് മിയ. മാസ്റ്റേഴ്സ്, സീനിയർ വിഭാഗങ്ങളിൽ പിതാവ് ഗിരീഷ് കെ. പാലറ്റ് രണ്ട് ഗോൾഡ് മെഡലുകളും നേടി .