കോടതിയിലേക്ക് പോയ വനിതാ സി.ഐ തിരിച്ചെത്തിയില്ല; കാണാതായത് വയനാട് പനമരം പൊലീസ് സ്റ്റേഷന്‍ സര്‍ക്കിള്‍ ഇന്‍സ്പെക്ടർ എലിസബത്തിനെ ; ഡിവൈഎസ്പിയുടെ നേതൃത്വത്തില്‍ അന്വേഷണം ആരംഭിച്ചു

സ്വന്തം ലേഖകൻ
കല്‍പ്പറ്റ: പനമരം പൊലീസ് സ്റ്റേഷനിലെ വനിതാ സര്‍ക്കിള്‍ ഇന്‍സ്പെക്ടറെ കാണാനില്ലെന്ന് പരാതി. സി.ഐ, കെഎ എലിസബത്തിനെയാണ് കാണാതായത്.

പാലക്കാട് ഫാസ്റ്റ് ട്രാക്ക് സ്പെഷ്യല്‍ കോടതിയിലേക്ക് ഔദ്യോ​ഗിക ആവശ്യത്തിനായി പോയ സിഐ മടങ്ങിയെത്തിയിരുന്നില്ല. ഇന്നലെ രാത്രി 10.30 മണിക്ക് കോഴിക്കോട് സിറ്റിയിലെ മാനാംചിറ എസ്ബിഐ എടിഎമ്മിൽ നിന്നും പണം പിൻവലിച്ച തെളിവുകൾ ലഭിച്ചിട്ടുണ്ട്.

മാനന്തവാടി ഡിവൈഎസ്പിയുടെ നേതൃത്വത്തില്‍ അന്വേഷണം തുടങ്ങി.