കോട്ടയം വൈക്കത്തുനിന്ന് കാണാതായ പതിമൂന്നുകാരിക്കായുള്ള അന്വേഷണം ഊർജിതം; കാണാതാകുമ്പോൾ കുട്ടിയോടൊപ്പം വാട്‌സാപ് ഗ്രൂപ്പിലൂടെ പരിചയപ്പെട്ട സുഹൃത്തും ഉണ്ടായിരുന്നുവെന്ന് പൊലീസ്; ഇരുവരും ബെംഗളൂരുവിലുണ്ടെന്ന് സൂചന

കോട്ടയം: വൈക്കത്തുനിന്നു കാണാതായ പതിമൂന്നുകാരിക്കായുള്ള അന്വേഷണം ഊർജിതമാക്കി പൊലീസ്.

വ്യാഴാഴ്ച്‌ച രാവിലെ വീട്ടിൽ നിന്ന് സ്‌കൂളിലേക്കു പോയ കുട്ടി പാലക്കാട് എത്തിയതിൻ്റെ വിവരം പൊലീസിന് ലഭിച്ചിട്ടുണ്ട്.

കാണാതാകുമ്പോൾ കുട്ടിയോടൊപ്പം തിരുവനന്തപുരം സ്വദേശിയായ സുഹൃത്തും ഉണ്ടായിരുന്നുന്നെന്ന് പൊലീസ് പറയുന്നു.

നിലവിൽ ഇരുവരും ബെംഗളൂരുവിലുണ്ടെന്നാണ് പൊലീസിനു ലഭിച്ച വിവരം. വാട്‌സാപ് ഗ്രൂപ്പിലൂടെയാണ് ഇരുവരും പരിചയപ്പെട്ടതെന്നും പൊലീസ് അന്വേഷണത്തിൽ കണ്ടെത്തി.