എറണാകുളത്ത് 2 വയസുകാരനെ ട്രെയിനില് ഉപേക്ഷിക്കപ്പെട്ട നിലയില് കണ്ടെത്തിയ സംഭവത്തില് അന്വേഷണം ശക്തമാക്കി പൊലീസ്. കുട്ടി ചില മലയാളം വാക്കുകൾ പറയുന്നുണ്ട് ആയതിനാൽ കുട്ടി മലയാളിയോ ഒഡിഷ സ്വദേശിയോ ആകാമെന്നാണ് റെയില്വെ പൊലീസിന്റെ നിഗമനം. സിസിടിവി ദൃശ്യങ്ങള് കേന്ദ്രീകരിച്ച് അന്വേഷണം തുടരുകയാണ്. കുഞ്ഞിന് മറ്റ് ആരോഗ്യപ്രശ്നങ്ങള് ഒന്നും തന്നെ ഇല്ലെന്നും പൊലീസ് അറിയിച്ചു.
കഴിഞ്ഞ ദിവസം ട്രെയിനില് ഉപേക്ഷിക്കപ്പെട്ട നിലയില് കണ്ടെത്തിയ രണ്ടു വയസുകാരന്റെ മാതാപിതാക്കളെ കണ്ടെത്താന് സംസ്ഥാന വ്യാപകമായി അന്വേഷണം തുടങ്ങിയിരിക്കുകയാണ് പൊലീസ്. ഈ മാസം പതിനേഴിന് പൂനെ എറണാകുളം എക്സ്പ്രസിലാണ് കുഞ്ഞിനെ ഉപേക്ഷിപ്പിക്കപ്പെട്ട നിലയില് കണ്ടെത്തിയത്. തൃശൂരിനും ആലുവയ്ക്കും ഇടയില് കുഞ്ഞിനെ ഉപേക്ഷിച്ച് മാതാപിതാക്കള് കടന്നു കളഞ്ഞിട്ടുണ്ടാകാമെന്നാണ് അനുമാനം.
കുഞ്ഞിനെ ശിശുക്ഷേമ സമിതിയുടെ സംരക്ഷണ കേന്ദ്രത്തിലേക്ക് മാറ്റി. സംഭവവുമായി ബന്ധപ്പെട്ട് എറണാകുളം റെയില്വെ പൊലീസ് കേസെടുത്തിട്ടുണ്ട്.
Whatsapp Group 1 | Whatsapp Group 2 |Telegram Group