അവധിക്കാലത്ത് ക്ലാസുകള് നടത്തുന്നതിനെതിരെ കർശന നിലപാട് എടുത്ത് വിദ്യാഭ്യാസ മന്ത്രി വി ശിവൻകുട്ടി. അവധിക്കാലത്ത് ആരെയും ക്ലാസുകള് നടത്താൻ അനുവദിക്കില്ലെന്നും മന്ത്രി വ്യക്തമാക്കി. അവധിക്കാല ക്ലാസുകള് സംബന്ധിച്ച് നിരവധി പരാതികള് ലഭിച്ചതായും ഇത്തരം ക്ലാസുകള് ഇനി അനുവദിക്കില്ലെന്നും മന്ത്രി അറിയിച്ചു.
അവധിക്കാലം കുട്ടികള് ആഘോഷിക്കാനുള്ളതാണെന്നും മാനസിക സമ്മർദ്ദങ്ങള് ഇല്ലാതെ ആസ്വദിക്കാനുമുള്ള സമയമാണ് ഇതെന്നും അദ്ദേഹം കൂട്ടിച്ചേർത്തു. സംസ്ഥാന സ്കൂള് കലോത്സവത്തിന്റെ ഷെഡ്യൂള് പ്രകാശന ചടങ്ങിലായിരുന്നു മന്ത്രി ഇക്കാര്യം വ്യക്തമാക്കിയത്.
