ഹോൺ അടിച്ചതിന് മന്ത്രിയുടെ കാറിൽ കൊട്ടിയ ബൈക്ക് യാത്രികനെ പോലീസ് പൊക്കി

സ്വന്തം ലേഖകൻ

തിരുവനന്തപുരം: ഹോൺ അടിച്ചെന്നാരോപിച്ച് മന്ത്രി ജി.ആർ.അനിലിന്റെ ഔദ്യോഗിക വാഹനത്തിൽ അടിച്ച സംഭവത്തിലെ പ്രതിയെ പൊലീസ് അറസ്റ്റ് ചെയ്തു.

വെള്ളയമ്പലം കനകനഗർ സ്വദേശി സൈനുദീനെയാണ് പൊലീസ് അറസ്റ്റ് ചെയ്തത്. പി.എം.ജി ജംഗ്ഷനിൽ ഞായറാഴ്ച വൈകിട്ടാണ് സംഭവം നടന്നത്. ഹോൺ മുഴക്കിയതിൽ ക്ഷുഭിതനായ സൈനുദീൻ കാറിൽ അടിച്ച ശേഷം ബൈക്കിൽ കയറിപ്പോവുകയായിരുന്നു.