തിരുവനന്തപുരം: പാല്‍വില കൂട്ടുന്നതില്‍ തീരുമാനം ആയിട്ടില്ലെന്ന് മില്‍മ ചെയർമാൻ കെ എസ് മണി അറിയിച്ചു. ഓണം വരെ പാല്‍ വില കൂട്ടില്ല എന്നാൽ ഓണത്തിന് ശേഷം വീണ്ടും ബോർഡ് ചേരുമെന്നും ചെയർമാൻ പറഞ്ഞു.
കർഷകരുടെ താല്‍പര്യങ്ങള്‍ സംരക്ഷിച്ചേ മുന്നോട്ടു പോകൂവെന്നും വിദഗ്ധസമിതി റിപ്പോർട്ട് ലഭിച്ചശേഷം തുടർനടപടി ഉണ്ടാകുമെന്നും മിൽമ ചെയർമാൻ കൂട്ടി ചേർത്തു.
അവസാനം ചേർന്ന മില്‍മ ബോർഡ് യോഗത്തില്‍ പാല്‍ വില കൂട്ടേണ്ടതില്ലെന്ന് തീരുമാനിച്ചിരുന്നു. തിരുവനന്തപുരം, എറണാകുളം, മലബാർ യൂണിയനുകള്‍ വില കൂട്ടാൻ ശിപാർശ ചെയ്തിരുന്നു. പാല്‍വില 60 രൂപയാക്കണമെന്നായിരുന്നു ശുപാർശ ചെയ്തിരുന്നത്. തുടർന്നായിരുന്നു ബോർഡ് യോഗം ചേർന്നിരുന്നത്. ഈ യോഗത്തില്‍ ഉടനെ പാല്‍ വില വർധിപ്പിക്കേണ്ടെന്ന് തീരുമാനിക്കുകയായിരുന്നു.
Whatsapp Group 1 | Whatsapp Group 2 |Telegram Group
കൊഴുപ്പേറിയ പാല്‍ ലിറ്ററിന് 56 രൂപയ്ക്കാണ് വില്‍ക്കുന്നത്. 10 രൂപ വർധിപ്പിച്ചാല്‍ ലിറ്ററിന് 60 രൂപയ്ക്ക് മുകളിലാകും.
2022 ഡിസംബറിലാണ് ഇതിന് മുൻപ് സംസ്ഥാനത്ത് പാല്‍ വില കൂട്ടിയത്. കഴിഞ്ഞ കുറച്ച്‌ മാസങ്ങളായി പാല്‍ വില വർധിപ്പിക്കണമെന്ന് ആവശ്യം ഉയർന്നിരുന്നു.
