ട്രെയിനിൽ നിന്ന് പുറത്തേക്ക്‌ തെറിച്ചു വീണു ; തളങ്കര സ്വദേശിയായ വ്യാപാരിക്ക് ദാരുണാന്ത്യം

കാസർകോഡ് : ട്രെയിനിൽ നിന്ന് തെറിച്ചുവീണ് വ്യാപാരി മരിച്ചു. തളങ്കര സ്വദേശിയും അണങ്കൂർ സ്കൗട്ട് ഭവന് സമീപം താമസക്കാരനുമായ മാഹിൻ ഫക്രുദീന്റെ മകൻ കെ.എം.

അബ്‌ദുല്ല (മായ്ച്ചാന്റ അബ്ദുല്ല-62) ആണ് മരിച്ചത്.തിങ്കളാഴ്ച‌ പുലർച്ചെ 1.20 ഓടെയാണ് അപകടം നടന്നത്.

അജ്‌മീരിലേക്ക് പോവുകയായിരുന്ന മരുസാഗർ എക്സ്പ്രസ് തളങ്കര മാലിക് ദിനാർ പള്ളിക്ക് സമീപത്തെ മേൽപ്പാലത്തിന് അടുത്ത് എത്തിയപ്പോഴാണ് അബ്ദുല്ല ട്രെയിനിൽ നിന്ന് പുറത്തേയ്ക്ക് വീണത്.

ആലുവയിൽ ബിസിനസ്സ് ആവശ്യത്തിന് പോയി മടങ്ങുന്നതിനിടെയാണ് അപകടം.