മീനച്ചിലാറ്റിൽ കാണാതായ കിടങ്ങൂർ സ്വദേശി ഹരിയുടെ മൃതദേഹം കണ്ടെത്തി; കോട്ടയത്തുനിന്ന് എത്തിയ സ്കൂബ ടീമും എമർജൻസി ടീമും നന്മ കൂട്ടവും സംയുക്തമായി നടത്തിയ തിരച്ചിലിലാണ് മൃതദേഹം കണ്ടെത്തിയത്

കോട്ടയം : മീനച്ചിലാറ്റിൽ കാണാതായകിടങ്ങൂർ കൊച്ചുമഠത്തിൽ രവീന്ദ്രൻ നായരുടെ മകൻ ഹരി (34) യുടെ മൃതദേഹം കണ്ടെത്തി.

കിടങ്ങൂർ ശ്രീ സുബ്രഹ്മണ്യസ്വാമി ക്ഷേത്ര കടവിന്സമീപത്തു നിന്നാണ്ഹരിയെ കാണാതായത്. രാവിലെഒൻപതരയോടെയാണ് ഹരി കടവിലെത്തിയത്. ആറിന്റെ സൈഡിലൂടെ ഹരി നടന്നുനീങ്ങുന്നത് കടവിലെത്തിയ മറ്റൊരാൾ കണ്ടിരുന്നു. പിന്നീട് ഹരിയെ കാണാതാവുകയായിരുന്നു

ഹരിയുടെ വസ്ത്രവും ചെരിപ്പും മൊബൈലും കടവിൽ കണ്ടെത്തി. തുടർന്നാണ് തെരച്ചിലാരംഭിച്ചത്.

കോട്ടയത്ത് നിന്നെത്തിയ സ്കൂബ ടീമും ടീം എർജൻസിയും ടീം നന്മക്കൂട്ടവും സംയുക്തമായി നടത്തിയ തിരച്ചലിലാന്ന് മൃതദേഹം കണ്ടെത്തിയത്.

മൃതദേഹം പാലാ ജനറൽ ആശുപത്രിയിലേയ്ക്ക് മാറ്റി. തെരച്ചിലിൽ പങ്കെടുത്തഎല്ലാ പ്രവർത്തകർക്കും, ടീം നന്മക്കൂട്ടം പ്രസിഡന്റ് ഷാജി കെ.കെ.പി നന്ദി അറിയിച്ചു.