തിരുവനന്തപുരം: രോഗികള്ക്ക് കൃത്യ സമയത്ത് മികച്ച ചികിത്സ സൗകര്യം ഉറപ്പാക്കാനൊരുങ്ങി ആരോഗ്യ വകുപ്പ്.
രോഗികള്ക്ക് അടിയന്തര വൈദ്യസഹായം ഉറപ്പാക്കുന്നതിന്റെ ഭാഗമായി സംസ്ഥാനത്തെ ഏഴ് മെഡിക്കല് കോളേജുകളില് കൂടി എമര്ജൻസി മെഡിസിൻ ആൻഡ് ട്രോമകെയര് വിഭാഗം ആരംഭിക്കുന്നതായി ആരോഗ്യ വകുപ്പ് മന്ത്രി വീണാ ജോര്ജ്.
നിലവില് തിരുവനന്തപുരം, കോട്ടയം, കോഴിക്കോട്, കണ്ണൂര് മെഡിക്കല് കോളേജുകളില് എമര്ജൻസി മെഡിസിൻ വിഭാഗമുണ്ട്. അംഗീകാരം ലഭിച്ച ബാക്കിയുള്ള മെഡിക്കല് കോളേജുകളായ കൊല്ലം, കോന്നി, ആലപ്പുഴ, ഇടുക്കി, എറണാകുളം, തൃശൂര്, മഞ്ചേരി എന്നിവിടങ്ങളിലാണ് എമര്ജൻസി മെഡിസിൻ വിഭാഗം പുതുതായി ആരംഭിക്കുന്നത്.
Whatsapp Group 1 | Whatsapp Group 2 |Telegram Group
ഇതിനായി ഈ മെഡിക്കല് കോളേജുകളില് ഒരു അസോസിയേറ്റ് പ്രൊഫസര്, ഒരു അസിസ്റ്റന്റ് പ്രൊഫസര്, രണ്ട് സീനിയര് റസിഡന്റ് തസ്തികകള് വീതം സൃഷ്ടിച്ചിട്ടുണ്ട്. ഇതുകൂടാതെ തിരുവന്തപുരം, കോഴിക്കോട് മെഡിക്കല് കോളേജുകളില് രണ്ട് വീതം സീനിയര് റസിഡന്റുമാരുടെ തസ്തികകളും സൃഷ്ടിച്ചിട്ടുണ്ട്.
സമയബന്ധിതമായി എല്ലാ മെഡിക്കല് കോളേജുകളിലും എമര്ജൻസി മെഡിസിൻ വിഭാഗം ആരംഭിക്കുമെന്നും മന്ത്രി വ്യക്തമാക്കി.
