മെഡിക്കൽ കോളെജിന് സമീപത്തെ കിണറിൽ നിന്നും ഒരാഴ്ച്ച പഴക്കമുളള മൃതദേഹം കണ്ടെത്തി ; പരിസരത്ത് നിന്നും കാണാതായ യുവാവിന്റേതെന്ന് സംശയം
കോഴിക്കോട്: കോഴിക്കോട് മെഡിക്കല്‍ കോളേജിന് സമീപത്തെ കിണറില്‍ നിന്നും ഒരു മാസത്തിലേറെ പഴക്കമുള്ള അജ്ഞാത മൃതദേഹം കണ്ടെത്തി. മായനാട് കുന്നുമ്മല്‍ നിര്‍മ്മാണത്തിലിരിക്കുന്ന വുഡ്‌എര്‍ത്ത് കമ്പനിയുടെ സ്ഥലത്തെ കിണറിലാണ് മൃതദേഹം കണ്ടെത്തിയത്.
മുണ്ടും ഷര്‍ട്ടുമാണ് കിണറിൽ നിന്നും കണ്ടെടുത്ത മൃതദേഹത്തില്‍ കാണപ്പെട്ടത്. കൂടാതെ രണ്ട് ഹവായ് ചെരുപ്പുകള്‍ കിണറിന് പുറത്ത് നിന്നും പൊലീസ് കണ്ടെടുത്തിട്ടുണ്ട്. ഇവിടെ ജോലിയെടുത്തിരുന്ന ഇതര സംസ്ഥാന തൊഴിലാളികള്‍ പറമ്ബില്‍ വീണു കിടക്കുന്ന നാളികേരം പെറുക്കുന്നതിനിടെയാണ് കിണറിൽ നിന്നും ദുര്‍ഗന്ധം വമിക്കുന്നത് ശ്രദ്ധയിൽ പെട്ടത്. ശേഷം നടത്തിയ പരിശോധനയിലാണ് സമീപത്തെ കിണറ്റില്‍ നിന്നും മൃതദേഹം കണ്ടെടുത്തത്.
തുടർന്ന് സംഭവം പോലീസില്‍ അറിയിച്ചു. മെഡിക്കല്‍ കോളേജ് പോലീസ് സ്ഥലത്തെത്തി കാവലേര്‍പ്പെടുത്തി. മൃതദേഹം പുറത്തെടുത്ത് ഇന്‍ക്വസ്റ്റ് നടപടി പൂര്‍ത്തീകരിച്ചതിന് ശേഷം പോസ്റ്റ്‌മോര്‍ട്ടത്തിനായി മെഡിക്കല്‍ കോളേജ് മോര്‍ച്ചറിയിലേക്ക് മാറ്റുമെന്ന് അധികൃതര്‍ അറിയിച്ചു. അതിനിടെ പരിസരത്തു നിന്നും ഒരു യുവാവിനെ കാണാതായതായി സംശയം ഉയര്‍ന്നിട്ടുണ്ട്. ഇതിന്റെ അടിസ്ഥാനത്തില്‍ അന്വേഷണം നടത്തുമെന്നും പൊലീസ് അറിയിച്ചു.
Whatsapp Group 1 | Whatsapp Group 2 |Telegram Group
