വില്‍പ്പനയ്ക്കായി സൂക്ഷിച്ച എംഡിഎംഎയുമായി ലോഡ്ജില്‍ നിന്നും രണ്ട് യുവതികൾ പിടിയിൽ ; ഇവരിൽ നിന്ന് പിടികൂടിയത് 4.9362 ഗ്രാം എം ഡി എം എ

കൊച്ചി : ലോഡ്ജില്‍ നിന്നും രാസലഹരിയുമായി രണ്ട് യുവതികളെ കൊച്ചി സിറ്റി പോലീസ് പിടികൂടി. ആലപ്പുഴ സ്വദേശിനി ഗായത്രി അനില്‍കുമാർ (19), പത്തനംതിട്ട സ്വദേശിനി പി.ആർ.ബിജിമോള്‍ (22) എന്നിവരാണ് അറസ്റ്റിലായത്.

വില്‍പ്പനയ്ക്കായി സൂക്ഷിച്ചിരുന്ന എംഡിഎംഎയുമായാണ് യുവതികള്‍ പിടിയിലായത്. 4.9362 ഗ്രാം എം.ഡി.എം.എ ഇവരില്‍ നിന്നും പിടിച്ചെടുത്തു.

കൊച്ചി ഡി.സി.പി. അശ്വതി ജിജിക്ക്‌ ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് യുവതികള്‍ കുടുങ്ങിയത്.

നർക്കോട്ടിക് സെല്‍ എ.സി.പി. കെ.എ. അബ്ദുല്‍സലാമിന്റെ നേതൃത്വത്തിലുളള ഡാൻസാഫ് ടീം പോണേക്കര ഭാഗത്തുള്ള ലോഡ്ജില്‍ നടത്തിയ പരിശോധനയിലാണ് ഗായത്രിയും ബിജിമോളും കുടുങ്ങിയത്.