മാവേലിക്കരയിൽ നിർമാണത്തിലിരുന്ന പാലം തകർന്ന് അപകടം ; രണ്ടുപേരെ കാണാനില്ല

ആലപ്പുഴ : മാവേലിക്കരയിൽ  നിർമാണത്തിലിരുന്ന പാലം തകർന്ന്  അപകടം.

കീച്ചേരിൽക്കടവ് പാലമാണ് തകർന്നു വീണത്. അപകടത്തിൽ രണ്ടു തൊഴിലാളികളെ കാണാതായി.

തൃക്കുന്നപ്പുഴ കിഴക്കേക്കര വടക്ക് ബിനു ഭവനത്തിൽ ബിനു (42), കല്ലുമല അക്ഷയ ഭവനത്തിൽ രാഘവ് കാർത്തിക് (24) എന്നിവരെയാണ് കാണാതായത്.

ഇന്ന് ഉച്ചയ്ക്ക് ശേഷം ആയിരുന്നു അപകടം, മൂന്നുപേർ വെള്ളത്തിൽ വീണു. ഒരാളെ രക്ഷപ്പെടുത്തി.

അച്ചൻകോവിലാറ്റിൽ ചെട്ടികുളങ്ങര, ചെന്നിത്തല പഞ്ചായത്തുകളുടെ അതിർത്തിയിലാണ് അപകടമുണ്ടായത്, സ്ഥലത്ത് രക്ഷാപ്രവർത്തനം തുടരുന്നു.