മാവേലിക്കര: മാവേലിക്കരയില് വിജയം ഉറപ്പെന്ന് എല്ഡിഎഫ് സ്ഥാനാര്ത്ഥി സി എ അരുണ്കുമാര്.
സിപിഐയുടെ ഔദ്യോഗിക പ്രഖ്യാപനം വന്നതിന് പിന്നാലെയാണ് അരുണ് കുമാറിന്റെ പ്രതികരണം. എതിര് സ്ഥാനാര്ഥി ആരായാലും പ്രശ്നം ഇല്ലെന്നും മാവേലിക്കരയിലെ വികസന മുരടിപ്പ് അടക്കം ചര്ച്ചയാക്കുമെന്നും അരുണ് കുമാര് പറഞ്ഞു.
മാവേലിക്കര കിട്ടാക്കനി അല്ലെന്നും അരുണ്കുമാര് പറഞ്ഞു. കേരളത്തില് മത്സരിക്കുന്ന നാല് ലോക്സഭാ മണ്ഡലങ്ങളിലെ സ്ഥാനാര്ത്ഥികളെയും സിപിഐ പ്രഖ്യാപിച്ചു.
Whatsapp Group 1 | Whatsapp Group 2 |Telegram Group
തിരുവനന്തപുരത്ത് മുതിര്ന്ന നേതാവ് പന്ന്യന് രവീന്ദ്രന്, മാവേലിക്കരയില് യുവനേതാവ് സി എ അരുണ് കുമാര്, തൃശ്ശൂര് വി എസ് സുനില് കുമാര്, വയനാട് ആനി രാജ എന്നിവര് മത്സരിക്കും. സിപിഐ സംസ്ഥാന സെക്രട്ടറി ബിനോയ് വിശ്വമാണ് നാലു മണ്ഡലങ്ങളിലെയും സ്ഥാനാര്ത്ഥികളെ പ്രഖ്യാപിച്ചത്.
തിരുവനന്തപുരത്ത് ചേര്ന്ന സിപിഐ സംസ്ഥാന കൗണ്സില് യോഗമാണ് സ്ഥാനാര്ത്ഥികളെ സംബന്ധിച്ച് അന്തിമ തീരുമാനം കൈകൊണ്ടത്. നേരത്തെ ബന്ധപ്പെട്ട ജില്ലാ കൗണ്സിലുകള് സ്ഥാനാര്ത്ഥികളെ സംബന്ധിച്ച നിര്ദ്ദേശം സംസ്ഥാന കൗണ്സിലിന് കൈമാറിയിരുന്നു.
കേന്ദ്ര നേതൃത്വത്തിന്റെ അനുമതിയോടെയായിരുന്നു സംസ്ഥാന കൗണ്സില് സ്ഥാനാര്ത്ഥി പട്ടികയ്ക്ക് ഔദ്യോഗികമായി അംഗീകാരം നല്കിയത്.
