ആര്‍ട്ടിസ്റ്റ് നമ്പൂതിരി അന്തരിച്ചു ; വിടപറഞ്ഞത് മലയാളത്തിന്റെ വരപ്രസാദം

സ്വന്തം ലേഖകൻ

മലപ്പുറം: ആര്‍ട്ടിസ്റ്റ് നമ്പൂതിരി അന്തരിച്ചു. 98 വയസായിരുന്നു. വാര്‍ധക്യസഹജമായ അസുഖങ്ങളെത്തുടര്‍ന്ന് ചികില്‍സയിലായിരുന്നു. മലപ്പുറം കോട്ടയ്ക്കലിലെ സ്വകാര്യ ആശുപത്രിയിലായിരുന്നു അന്ത്യം.

മലയാളിയുടെ പല ഇഷ്ട കഥാപാത്രങ്ങള്‍ക്കും രൂപഭാവമൊരുക്കിയ പ്രതിഭയായിരുന്നു കെ.എം.വാസുദേവൻ നമ്പൂതിരിയെന്ന, ആര്‍ട്ടിസ്റ്റ് നമ്പൂതിരി.

രാവിലെ മുതൽ 12 മണി വരെ എടപ്പാൾ നടുവട്ടത്തെ വീട്ടിലും വൈകിട്ട് മൂന്ന് മണി വരെ തൃശൂർ ലളിത കലാ അക്കാദമി ഹാളിലും പൊതു ദർശനമുണ്ടാകും. വൈകിട്ട് 5.30യ്ക്ക് എടപ്പാളിലെ വീട്ടുവളപ്പിൽ സംസ്കാരം നടത്തും.