കോട്ടയം : 89 ജീവനക്കാരെ ഒരുമിച്ച് സ്ഥലം മാറ്റി, കോട്ടയം നഗരസഭയിൽ കൂട്ട സ്ഥലം മാറ്റം.
ഒരു നഗരസഭയിൽ നിന്ന് ഇത്രയധികം ജീവനക്കാരെ ഒരുമിച്ച് സ്ഥലം മാറ്റുന്നത് സംസ്ഥാനത്ത് തന്നെ ആദ്യമായാണ്.
നഗരസഭ കോട്ടയം കേന്ദ്ര ഓഫിസ്,കുമാരനല്ലൂർ, നാട്ടകം,തിരുവാതുക്കൽ മേഖലാ ഓഫിസുകൾ എന്നിവിടങ്ങളിലായി ആകെ 157 സ്ഥിരം ജീവനക്കാരാണുള്ളത്. പൊതു സ്ഥലം മാറ്റത്തിൻ്റെ ഭാഗമാണെന്നാണ് തദ്ദേശവകുപ്പിന്റെ വിശദീകരണം.
Whatsapp Group 1 | Whatsapp Group 2 |Telegram Group
നഗരസഭാ പെൻഷൻ ഫണ്ടിൽ നിന്നും മുൻ ജീവനക്കാരൻ 2.4 കോടി രൂപ തട്ടിയെടുത്ത് ഉൾപ്പെടെ നിരന്തരം കേസുകളും ഓഫിസ് കേന്ദ്രീകരിച്ച് തുടരന്വേഷണവും നടക്കുന്നതിനാൽ കൂടുതൽ ജീവനക്കാരും സ്ഥലം മാറ്റത്തിന് ഓൺലൈൻ വഴി അപേക്ഷ സമർപ്പിച്ചിരുന്നു. ഇതിൽ 3 വർഷം ഇവിടെ ജോലി ചെയ്തവർ ചട്ടപ്രകാരം തന്നെ സ്ഥലം മാറ്റം വാങ്ങി.
ഒരു വർഷം മാത്രം ജോലി ചെയ്തവരും തദ്ദേശ വകുപ്പ് ഡയറക്ടറേറ്റിൽ ബന്ധപ്പെട്ട് മറ്റിടങ്ങളിലേക്ക് മാറിയതോടെയാണ് ഇത്രയധികം ജീവനക്കാർ ഒഴിവായത്. പകരം ഉദ്യോഗസ്ഥർ ചുമതല ഏൽക്കുന്നതേയുള്ളു. രണ്ടാഴ്ച മുൻപാണ് ഉത്തരവിറങ്ങിയത്.
