കോട്ടയം: വൈകീട്ട് ചായക്കൊപ്പം കഴിക്കാൻ ചായക്കടയിലേതുപോലത്തെ മസാല ബോണ്ട ആയാലോ? വളരെ എളുപ്പത്തില്‍ രുചികരമായി തന്നെ വീട്ടില്‍ തയ്യാറാക്കാവുന്ന ഒരു സ്നാക്ക്.
റെസിപ്പി നോക്കിയാലോ?
ആവശ്യമായ ചേരുവകള്‍
Whatsapp Group 1 | Whatsapp Group 2 |Telegram Group
ഫില്ലിംങ് തയ്യാറാക്കാൻ ആവശ്യമായ ചേരുവകള്‍
ഉരുളക്കിഴങ്ങ് – 3 എണ്ണം
എണ്ണ – 2 ടേബിള്‍ സ്പൂണ്‍
പെരുംജീരകം – 1/2 ടീസ്പൂണ്‍
സവാള – 1 എണ്ണം
ഇഞ്ചി – 1 ചെറിയ കഷ്ണം
പച്ചമുളക് – 2 എണ്ണം
കറിവേപ്പില – 1 പിടി
ഉപ്പ് – 1 ടീസ്പൂണ്‍
മഞ്ഞള്‍പൊടി – 1/4 ടീസ്പൂണ്‍
മുളകുപൊടി – 1/2 ടീസ്പൂണ്‍
മല്ലിയില – 2 ടേബിള്‍സ്പൂണ്‍
മാവ് തയ്യാറാക്കൻ വേണ്ട ചേരുവകള്‍
കടലമാവ് – 1 കപ്പ്
മൈദ- 2 ടേബിള്‍സ്പൂണ്‍
മുളകുപൊടി- 1/2 ടീസ്പൂണ്‍
മഞ്ഞള്‍പ്പൊടി – 1/4 ടീസ്പൂണ്‍
കായപ്പൊടി- 1 നുള്ള്
ബേക്കിംഗ് പൗഡർ- 1/2 ടീസ്പൂണ്‍
ഉപ്പ് – 1/2 ടീ സ്പൂണ്‍
അരിപ്പൊടി
വെള്ളം- ആവശ്യത്തിന്
എണ്ണ- ആവശ്യത്തിന്
ഫില്ലിംങ് തയ്യാറാക്കുന്ന വിധം
മൂന്ന് ഉരുളക്കിഴങ്ങ് തൊലി കളഞ്ഞ് വേവിച്ച്‌ ഉടച്ചെടുക്കാം. അടികട്ടിയുള്ള ഒരു പാത്രത്തില്‍ രണ്ട് ടേബിള്‍സ്പൂണ്‍ വെളിച്ചെണ്ണ ഒഴിക്കുക. അതിലേക്ക് അര ടീസ്പൂണ്‍ പെരുംജീരകം, ഇടത്തരം വലിപ്പമുള്ള സവാള ചെറുതായി അരിഞ്ഞത്, ഇഞ്ചി ചെറുതായി അരിഞ്ഞത്, രണ്ട് പച്ചമുളക്, ഒരു പിടി കറിവേപ്പില, ആവശ്യത്തിന് ഉപ്പ് എന്നിവ ചേർത്തിളക്കി യോജിപ്പിക്കാം. പച്ചക്കറികള്‍ വെന്ത് വരുമ്ബോള്‍ കാല്‍ ടീസ്പൂണ്‍ മഞ്ഞള്‍പ്പൊടി, അര ടീസ്പൂണ്‍ മുളകുപൊടി എന്നിവ ചേർത്ത് ഇളക്കി യോജിപ്പിക്കാം. ഇതിലേക്ക് വേവിച്ച ഉരുളക്കിഴങ്ങ് കൂടി ചേർക്കാം.
മാവ് തയ്യാറാക്കുന്ന വിധം
ഒരു ബൗളിലേക്ക് ഒരു കപ്പ് കടലമാവെടുക്കാം. അതിലേക്ക് കുറച്ച്‌ അരിപ്പൊടി, അര ടീസ്പൂണ്‍ മുളകുപൊടി, കാല്‍ ടീസ്പൂണ്‍ മഞ്ഞള്‍പ്പൊടി, ഒരു നുള്ള് കായപ്പൊടി, അര ടീസ്പൂണ്‍ ബേക്കിംഗ് പൗഡർ, ആവശ്യത്തിന് ഉപ്പ് എന്നിവ ചേർത്തിളക്കി യോജിപ്പിക്കാം. ഇടയ്ക്ക് ആവശ്യത്തിന് വെള്ളം കൂടി ചേർത്ത് മാവ് തയ്യാറാക്കാം.
ബോണ്ട തയ്യാറാക്കുന്ന വിധം
അടികട്ടിയുള്ള ഒരു പാത്രം അടുപ്പില്‍ വെച്ച്‌ വറുക്കാൻ ആവശ്യത്തിന് എണ്ണ ഒഴിച്ചു ചൂടാക്കാം. തയ്യാറാക്കി വച്ചിരിക്കുന്ന മസാലയില്‍ നിന്നും അല്‍പ്പം വീതം എടുത്ത് ചെറിയ ഉരുളകളാക്കാം. അത് മാവില്‍ മുക്കി എണ്ണയിലേക്ക് ചേർത്ത് വറുത്തെടുക്കാം.
