കോട്ടയം: നമ്മള്‍ മലയാളികള്‍ ഒരുപാട് മാറി. ഒപ്പം അവരുടെ ശീലങ്ങളും സ്വഭാവങ്ങളും. പ്രത്യേകിച്ചും ലൈംഗിക സ്വഭാവങ്ങള്‍. സോഷ്യല്‍ മീഡിയയില്‍ ഉള്‍പ്പെടെ മൃദുല വികാരങ്ങള്‍ ചൂഷണം ചെയ്യാൻ ‘മോഹിനിമാർ’ ഒരുപാടെത്തിയതോടെ ഇതിന് ആക്കം കൂടി.
‘അയ്യേ’ എന്നുപറയുന്നതില്‍ നിന്ന് ‘അയ്യോ’ എന്ന പറയുന്നിടത്തേക്കായി ആ മാറ്റം. അടുത്തിടെ ഗള്‍ഫില്‍ ജീവനൊടുക്കിയ വിപഞ്ചികയുടെ ആത്മഹത്യാക്കുറിപ്പ് പുറത്തുവന്നതോടെയാണ് മലയാളിയുടെ വികൃതമായ ലൈംഗികതയെക്കുറിച്ച്‌ സോഷ്യല്‍ മീഡിയയില്‍ ഉള്‍പ്പെടെ ചർച്ച തുടങ്ങിയത് .
നമ്മുടെ സങ്കല്‍പ്പങ്ങള്‍ക്കും രീതികള്‍ക്കും ഒരിക്കലും നിരക്കാത്തവയായിരുന്നു വിപഞ്ചികയുടെ ഭർത്താവിന്റെ പല ലൈംഗിക സ്വഭാവങ്ങളും എന്നാണ് പുറത്തുവരുന്ന റിപ്പോർട്ടുകള്‍. ഇത് ഒരാളുടെ മാത്രം കാര്യമല്ലെന്നും മലയാളികളുടെ ലൈംഗിക സങ്കല്പങ്ങളില്‍ വലിയരീതിയില്‍ മാറ്റം വന്നുകഴിഞ്ഞിരിക്കുന്നു എന്നാണ് തിരുവനന്തപുരം മെഡിക്കല്‍ കോളേജിലെ സൈക്യാട്രി പ്രൊഫസറും ശ്രീ ചിത്ര മെഡിക്കല്‍ സെന്ററിലെ കണ്‍സള്‍ട്ടന്റ് സൈക്യാട്രിസ്റ്റുമായ ഡോക്ടർ അരുണ്‍ ബി നായർ പറയുന്നത്. മലയാളിയുടെ മാറിയ ലൈംഗിക താല്‍പ്പര്യങ്ങളെയും അതിന് ഇടയാക്കിയ കാരണങ്ങളെയും കുറിച്ച്‌ അദ്ദേഹം സംസാരിക്കുന്നു.
Whatsapp Group 1 | Whatsapp Group 2 |Telegram Group
ഡിജിറ്റല്‍ അടിമത്തവും കൊവിഡും
കൊവിഡ് കാലത്ത് വീട്ടില്‍ ഡിജിറ്റല്‍ അടിമത്തത്തിലേക്ക് പോയതാണ് മലയാളിലുടെ ലൈംഗിക സങ്കല്പങ്ങളില്‍ വലിയതോതിലുള്ളെൊരു മാറ്റം സൃഷ്ടിച്ച ആദ്യത്തെ സംഭവം. ലോക്ക്ഡൗണായതിനാല്‍ പുറത്തേക്കിറങ്ങാനോ മറ്റ് വിനോദങ്ങളില്‍ ഏർപ്പെടാനോ വഴിയില്ലാതായപ്പോള്‍ ലോകമെമ്ബാടും ആളുകള്‍ ഡിജിറ്റല്‍ അടിമത്തത്തിലേക്ക് നീങ്ങി. ഒട്ടേറെ ആളുകള്‍ ലൈംഗിക പരീക്ഷണങ്ങളുടെ ദൃശ്യങ്ങള്‍ കാണാനാണ് ആ കാലഘട്ടം ഉപയോഗിച്ചത്. എന്തുകൊണ്ട് അത്തരത്തില്‍ ഒരു പരീക്ഷണം നടത്തിക്കൂടാ എന്ന തോന്നല്‍ പലരുടെയും മനസില്‍ ഉണ്ടായി. ലൈംഗിക വൈകൃതങ്ങള്‍, വ്യത്യസ്ത ലൈംഗിക പരീക്ഷണങ്ങള്‍ എന്നിവയെക്കുറിച്ചെല്ലാം ആളുകള്‍ വലിയതോതില്‍ ചർച്ചചെയ്തു തുടങ്ങി. ചർച്ചചെയ്യുക മാത്രമല്ല അവ സ്വന്തം ജീവിതത്തില്‍ പകർത്താനും പലരും ശ്രമിച്ചു. ഇതിന്റെ ബാക്കിപത്രമാണ് ഇപ്പോള്‍ മറനീക്കി പുറത്തുവന്നുകൊണ്ടിരിക്കുന്ന പല ലൈംഗിക സ്വഭാവ വൈകൃതങ്ങളും.
ലൈംഗികതയുമായി ബന്ധപ്പെട്ട് ലോകമെമ്ബാടുമുളള ജീവിത രീതികള്‍ കാണാനും അറിയാനും ഇന്ന് സോഷ്യല്‍ മീഡിയയിലൂടെയും മാദ്ധ്യമങ്ങളിലൂടെയും കഴിയുന്നുണ്ട്. പാശ്ചാത്യ രാജ്യങ്ങളില്‍ വ്യത്യസ്ത ലൈംഗിക പരീക്ഷണങ്ങള്‍ കൗമാരപ്രായത്തില്‍ത്തന്നെ ആള്‍ക്കാർ വളരെ സ്വഭാവികമായി ചെയ്യുന്ന എന്ന് വിശ്വസിപ്പിക്കുന്ന സീരീസുകളും മറ്റും ഒടിടി പ്ലാറ്റ്‌ഫോമുകളിലൂടെ മുന്നിലെത്തിയതോടെ അതില്‍ കാണുന്നത് പരീക്ഷിക്കാനും തുടങ്ങി.
നേരിട്ടുവേണ്ട, കണ്ട് ആസ്വദിച്ചാല്‍ മതി
മറ്റുളളവരുടെ ലൈംഗിക ദൃശ്യങ്ങള്‍ കാണുന്നത് ഒരു മനോവൈകൃതമാണ്. ലൈംഗിക ഒളിഞ്ഞുനോട്ടം അഥവാ സെക്ഷ്വല്‍ ബോയൂറിസം എന്നൊരു വൈകല്യത്തെക്കുറിച്ച്‌ വൈദ്യശാസ്ത്രം തന്നെ പറയുന്നുണ്ട്. ഒരു വ്യക്തി വസ്ത്രം മാറുന്നതോ, നഗ്നനാകുന്നതോ, ലൈംഗിക ബന്ധത്തിലേർപ്പെടുന്നതോ അയാളറിയാതെ ഒളിഞ്ഞുനോക്കി കാമസംതൃപ്തി വരുത്തുകയാണ് ഇത്തരക്കാർ ചെയ്യുന്നത്. സോഷ്യല്‍ മീഡിയയിലും മറ്റും ഇത്തരം രംഗങ്ങള്‍ വ്യാപകമായി ലഭിച്ചുതുടങ്ങിയതോടെ ഇവ കാണുന്നത് പലർക്കും താല്‍പ്പര്യമുളള ഒന്നായി മാറി. സ്വന്തം പങ്കാളി മറ്റുള്ളവരുമായി ലൈംഗിക ബന്ധത്തിലേർപ്പെടുന്നത് കാണുകയും അതിലൂടെ ലൈംഗിക ഉത്തേജനം കണ്ടെത്താൻ ശ്രമിക്കുന്നതും ഇത്തരക്കാർക്കിടയില്‍ വ്യാപകമാണ്. ഇവരില്‍ ഭൂരിപക്ഷത്തിനും സ്വയം ലൈംഗികബന്ധത്തിലേർപ്പെടുന്നതിനോട് താല്‍പ്പര്യമുണ്ടാവില്ല.
ഒരാള്‍ സ്വയം ലൈംഗിക ബന്ധത്തിലേർപ്പെടുമ്ബോള്‍ തലച്ചോറിലുണ്ടാകുന്ന രാസപരിണാമങ്ങള്‍ ഇത്തരം പ്രവൃത്തിയിലൂടെയും അയാളില്‍ ഉണ്ടാകുന്നുണ്ട്. ലൈംഗികതയെക്കുറിച്ച്‌ തെറ്റായ ധാരണകളും ഭയാശങ്കകളും ഉള്ളവർ സംതൃപ്തി കിട്ടാനുള്ള ഒരു മാർഗമായി ഇത്തരം രീതികളെ കാണുന്നുണ്ട്. ഇങ്ങനെ നിരന്തരം ലൈംഗിക ദൃശങ്ങളും മറ്റും കാണുന്നവരില്‍ ക്രമേണ ലൈംഗികശേഷി കുറയുന്നതായും കണ്ടുവരുന്നുണ്ട്. ഇവർ ക്രമേണ പൂർണമായും വെർച്വല്‍ സെക്സിന് അടിമകളായി മാറുകയാണ് ചെയ്യുന്നത്.
അതല്ല പൗരുഷം
പൗരുഷത്തെ ഇന്നത്തെ പല പുരുഷന്മാനും തെറ്റിദ്ദരിച്ചിരിക്കുകയാണ് എന്ന് പറയുന്നതില്‍ ഒട്ടും അതിശയോക്തി ഇല്ലെന്നുതന്നെ പറയാം. സ്വന്തം പങ്കാളിയോടൊപ്പം നിരന്തരം ലൈംഗികബന്ധത്തിലേർപ്പെടുമ്ബോള്‍ മടുപ്പുളവാകുന്ന ചിലർ പങ്കാളിയെ മാറി പരീക്ഷിക്കാറുണ്ട്. ഒരാള്‍ക്കൊപ്പം ദീർഘനേരം ലൈംഗികബന്ധത്തിലേർപ്പെടുക, ഒന്നിലധികം പേരുമായി ഒരേസമയം ലൈംഗിബന്ധത്തിലേർപ്പെടുക തുടങ്ങിയവ പൗരുഷത്തിന്റെ അടയാളമാണെന്ന തെറ്റിദ്ദാരണ ഇന്നത്തെ സമൂഹത്തില്‍ അറിഞ്ഞോ അറിയാതെയോ കടന്നുകൂടിയിട്ടുണ്ട്. ഇതെല്ലാം സ്വന്തം ജീവിതത്തില്‍ പ്രാക്ടിക്കല്‍ ആക്കാൻ ശ്രമിക്കുമ്ബോഴാണ് പ്രശ്നം തുടങ്ങുന്നത്. ഇത്തരം തോന്നലുകള്‍ ശരിക്കുള്ള പുരുഷത്വത്തിന്റെ ലക്ഷണമല്ല വിഷലിപ്ത പൗരുഷമാണെന്ന് തിരിച്ചറിയുകയാണ് ആദ്യം വേണ്ടത്.
മൂന്നിനും പന്ത്രണ്ടുവയസിനുമിടയില്‍
കൗമാരപ്രായക്കാരില്‍ പൊതുവെ ലൈംഗിക താല്‍പ്പര്യം കൂടുതലാണ്. പക്ഷേ, അവസരങ്ങള്‍ ഒത്തുവന്നാലേ ഇവർ ലൈംഗിക പരീക്ഷണങ്ങള്‍ക്ക് മുതിരാറുള്ളൂ. മുൻതലമുറയില്‍ കുടുംബത്തിലെ അംഗങ്ങള്‍ തമ്മിലുള്ള പരസ്പര ബന്ധങ്ങളും സമൂഹിക ബന്ധങ്ങളും ശക്തമായിരുന്നു. മാത്രമല്ല കൗമാരക്കാർക്കുമേല്‍ സാമൂഹ്യ നിരീക്ഷണവും ശക്തമായിരുന്നു. അതിനാല്‍ പരീക്ഷണങ്ങള്‍ക്കുള്ള അവസരങ്ങള്‍ നന്നേ കുറവായിരുന്നു.
എന്നാല്‍ ഇന്നത്തെ ഡിജിറ്റല്‍ യുഗത്തില്‍ ഒരുതരത്തിലുള്ള സാമൂഹ്യ ഒറ്റപ്പെടലിലേക്ക് എത്തിയിരിക്കുകയാണ് എല്ലാവരും. മറ്റുള്ളവരെ നിരീക്ഷിക്കാൻ ആർക്കും താല്‍പ്പര്യമില്ലാത്ത അവസ്ഥ. അതിനാല്‍ ലൈംഗിക പരീക്ഷണങ്ങള്‍ നടത്താനുളള നിരവധി അവസരങ്ങള്‍ കൗമാരക്കാർക്ക് ലഭിക്കുന്നു. ഇന്നുകാണുന്ന പ്രശ്നങ്ങള്‍ക്കുള്ള ഒരു മൂലകാരണം ഇതുതന്നെയാണ്.
മൂന്നിനും പന്ത്രണ്ടുവയസിനും ഇടയില്‍ കണ്‍മുന്നില്‍ കാണുന്ന കാര്യങ്ങള്‍ അവരുടെ മനസില്‍ ആഴത്തില്‍ പതിയുകയും ആഴത്തിലുളള സ്വാധീനം ചെലുത്തുകയും ചെയ്യും.പന്ത്രണ്ടുവയസുകഴിയുമ്ബോഴാണ് ക്രിട്ടിക്കല്‍ തിങ്കിംഗ് അഥവാ ഗുണദോഷ യുക്തിവിചാരം എന്നൊരു കഴിവ് വികസിക്കുന്നത്. നാം കാണുന്നതില്‍ ആരോഗ്യകരമായതേത് അനാരോഗ്യകരമായതേത് എന്ന് വിവേചിച്ച്‌ നല്ലതിനെ സ്വീകരിക്കാനും അല്ലാത്തതിനെ തള്ളാനുമുള്ള കഴിവാണിത്. അതിനാല്‍ ഈ പ്രായമെത്തുന്നതിനുമുമ്ബുതന്നെ ലൈംഗിക വീഡിയോകളും മറ്റും കണ്ടാല്‍ അത് പ്രാവർത്തികമാക്കാനുള്ള താല്‍പ്പര്യം കൂടും. ഇത്തരക്കാർ മിക്കപ്പോഴും സ്വന്തം സഹോദരിയുടെയാേ അമ്മയുടെയോ മേലായിരിക്കും ഇത്തരം പരീക്ഷണങ്ങള്‍ നടത്തുന്നത്. അങ്ങനെ മനുഷ്യൻ മൃഗങ്ങളെക്കാള്‍ കഷ്ടമാകുന്ന അവസ്ഥയിലേക്ക് എത്തി.
