ഫ്രാ​ന്‍​സി​സ് മാ​ര്‍​പാ​പ്പ ഇ​ന്ന് ആ​ശു​പ​ത്രി വി​ടും ; ര​ണ്ടു മാ​സ​ത്തെ വി​ശ്ര​മം അ​നി​വാര്യം, ജീവന്‍ അപകടത്തിലായ രണ്ട് വളരെ ഗുരുതരമായ ഘട്ടങ്ങള്‍ അതിജീവിച്ചുവെന്ന് ഡോക്ടർമാർ ; ഇന്ന് വിശ്വാസികളെ അഭിവാദ്യം ചെയ്യും

വ​ത്തി​ക്കാ​ൻ സി​റ്റി: ശ്വാ​സ​കോ​ശ​സം​ബ​ന്ധ​മാ​യ രോ​ഗം മൂ​ലം ഒ​രു മാ​സ​ത്തി​ലേ​റെ​യാ​യി റോ​മി​ലെ ജെ​മെ​ല്ലി ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ന്ന ഫ്രാ​ൻ​സി​സ് മാ​ർ​പാ​പ്പ​യെ ഇ​ന്ന് ഡി​സ്ചാ​ർ​ജ് ചെ​യ്യും. ഉ​ച്ച​യ്ക്കാ​യി​രി​ക്കും ഡി​സ്ചാ​ർ​ജ് ചെ​യ്യു​ക.

ഇ​തി​നു മു​ന്നോ​ടി​യാ​യി വി​ശ്വാ​സി​ക​ൾ​ക്ക് ആ​ശീ​ർ​വാ​ദം ന​ൽ​കും. ആ​ശു​പ​ത്രി​യു​ടെ ജാ​ല​ക​ത്തി​ങ്ക​ൽ നി​ന്നാ​യി​രി​ക്കും വി​ശ്വാ​സി​ക​ൾ​ക്ക് ആ​ശീ​ർ​വാ​ദം ന​ൽ​കു​ക​യെ​ന്ന് വ​ത്തി​ക്കാ​ൻ അ​റി​യി​ച്ചു.

ഇ​തി​നു മു​ന്നോ​ടി​യാ​യി ത്രി​കാ​ല ജ​പ​വു​മു​ണ്ടാ​യി​രി​ക്കും. ത്രി​കാ​ല ജ​പ​ത്തി​നു​ശേ​ഷ​മു​ള്ള സ​ന്ദേ​ശം ന​ൽ​കി​ല്ല. പ​ക​രം മു​ൻ​കൂ​ട്ടി ത​യാ​റാ​ക്കി​യ സ​ന്ദേ​ശ​ത്തി​ന്‍റെ പ്രി​ന്‍റ് വി​ശ്വാ​സി​ക​ൾ​ക്കു വി​ത​ര​ണം ചെ​യ്യും. ആ​ശു​പ​ത്രി​യി​ലാ​യി 37 ദി​വ​സ​ത്തി​നു​ശേ​ഷ​മാ​ണ് മാ​ർ​പാ​പ്പ വി​ശ്വാ​സി​ക​ളെ നേ​രി​ൽ കാ​ണു​ന്ന​ത്.

അ​തേ​സ​മ​യം, ആ​രോ​ഗ്യ​നി​ല മെ​ച്ച​പ്പെ​ട്ട മാ​ർ​പാ​പ്പ​യ്ക്ക് വ​ത്തി​ക്കാ​നി​ൽ ര​ണ്ടു മാ​സ​ത്തെ വി​ശ്ര​മം അ​നി​വാ​ര്യ​മാ​ണെ​ന്നും മെ​ഡി​ക്ക​ൽ സം​ഘ​ത്തി​ൽ​പ്പെ​ട്ട ഡോ​ക്‌​ട​ർ അ​റി​യി​ച്ചു.കഴിഞ്ഞ അഞ്ച് ആഴ്ചയ്ക്കിടെ, അദ്ദേഹത്തിന്റെ ‘ജീവന്‍ അപകടത്തിലായ രണ്ട് വളരെ ഗുരുതരമായ ഘട്ടങ്ങള്‍’ അതിജീവിച്ചു എന്ന് പോപ്പിനെ ചികിത്സിക്കുന്ന ഡോക്ടര്‍മാരില്‍ ഒരാളായ ഡോ. സെര്‍ജിയോ ആല്‍ഫിയേരി പറഞ്ഞു.

ശ്വാ​സ​നാ​ള വീ​ക്ക​ത്തെ​ത്തു​ട​ർ​ന്ന് ഫെ​ബ്രു​വ​രി 14നാ​ണ് മാ​ർ​പാ​പ്പ​യെ റോ​മി​ലെ ജെ​മെ​ല്ലി ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്.